HTML5

HTML5 (Hypertext Markup Language 5) — ümumdünya hörümçək toru məzmunun strukturlaşdırılması və təqdim edilməsi üçün istifadə edilən nişan dili. Bu, "World Wide Web Consortium" (W3C) tövsiyəsi olan beşinci və son[1] əsas HTML versiyasıdır. Hal-hazırda spesifikasiya "HTML Living Standard" kimi tanınır. O, əsas brauzer satıcılarının ("Apple", "Google", "Mozilla" və "Microsoft") konsorsiumu olan "Web Hypertext Application Technology Working Group" (WHATWG) tərəfindən idarə olunur.

HTML5
Loqonun şəkli
Genişlənmə adı ..html və ya .htm
İnternet media tipi text/html
Format növü Nişan dili
Standartlar HTML LS
Vebsaytı html.spec.whatwg.org/mul…

HTML5 ilk dəfə 22 yanvar 2008-ci ildə ictimaiyyətə açıq şəkildə buraxılmışdır.[2] 2014-cü ilin oktyabrında böyük bir yeniləmə tətbiq edilmiş və "W3C Recommendation" əldə olunmuşdur.[3][4] Onun məqsədləri ən son multimedia və digər yeni funksiyaların dəstəyi ilə dili təkmilləşdirmək, dili həm insanlar tərəfindən asanlıqla oxuna bilən, həm də XHTML sərtliyi olmadan kompüterlər və veb brauzerlər, analizatorlar və s. kimi cihazlar tərəfindən ardıcıl olaraq başa düşülən formada saxlamaq, köhnə proqram təminatı ilə geriyə uyumlu qalmaq idi. HTML5-in təkcə HTML 4 deyil, həm də XHTML 1 və "DOM Level 2 HTML"i əhatə etməsi üçün nəzərdə tutulmuşdur.[5]

HTML5 daha çox uyğunlaşa bilən implementasiyaları təşviq etmək üçün ətraflı emal modellərini əhatə edir. Bu, sənədlər üçün mövcud nişanları genişləndirir, təkmilləşdirir və rasionallaşdırır, mürəkkəb veb tətbiqləri üçün nişanlama və tətbiqi proqramlaşdırma interfeyslərini (API) təqdim edir.[6] Eyni səbəblərə görə, HTML5 həm də çarpaz platformalı mobil proqramlarda tətbiq edilməsi üçün namizəd hesab olunur, çünki bu, aşağı gücə malik cihazlar nəzərə alınmaqla hazırlanmış funksiyaları özündə əks etdirir.

Bir çox yeni sintaktik xüsusiyyətlər daxil edilmişdir. Multimedia və qrafik məzmunu yerli olaraq daxil etmək və idarə etmək üçün yeni <video>, <audio><canvas> elementləri əlavə edilmişdir. Genişləndirilə bilən bölmələr CSS və ya "JavaScript"dən asılı deyil, <summary>...</summary><details>...</details> vasitəsilə lokal formada həyata keçirilir. Miqyaslanan vektorial qrafiklər (SVG) məzmunu və riyazi düsturlar üçün MathML dəstəyi də əlavə edilmişdir.

Sənədlərin semantik məzmununu zənginləşdirmək məqsədilə səhifənin yeni struktur elementləri, məsələn <main>, <section>, <article>, <header>, <footer>, <aside>, <nav><figure> elementləri əlavə olunmuşdur. Yeni atributlar təqdim edilmiş, bəzi elementlər və atributlar silinmiş, digərləri, məsələn, <a>, <cite><menu> dəyişdirilmiş, yenidən başqa məqsədlə təyin olunmuş və ya standartlaşdırılmışdır. API və DOM indi HTML5 spesifikasiyasının əsas hissələridir.[6] HTML5 hər hansı etibarsız sənədlərin işlənməsini daha yaxşı müəyyənləşdirir.[7]

İstinadlar[redaktə | mənbəni redaktə et]

  1. Cimpanu, Catalin. "Browser vendors Win War with W3C over HTML and DOM standards". ZDNet. 29 May 2019. 29 May 2019 tarixində arxivləşdirilib. İstifadə tarixi: 29 May 2019.
  2. "HTML5: A vocabulary and associated APIs for HTML and XHTML". W3.org. W3C. 22 January 2008. 25 February 2021 tarixində arxivləşdirilib. İstifadə tarixi: 28 January 2009.
  3. "HTML5 specification finalized, squabbling over specs continues". Ars Technica. 29 October 2014. 29 October 2014 tarixində arxivləşdirilib. İstifadə tarixi: 29 October 2014.
  4. "HTML5 is a W3C recommendation". W3C Blog. World Wide Web Consortium (W3C). 28 October 2014. İstifadə tarixi: 28 October 2014.
  5. "HTML5 Differences from HTML4". W3.org. W3C. Introduction. İstifadə tarixi: 2 March 2018. HTML4 became a W3C Recommendation in 1997. While it continues to serve as a rough guide to many of the core features of HTML, it does not provide enough information to build implementations that interoperate with each other and, more importantly, with Web content. The same goes for XHTML1, which defines an XML serialization for HTML4, and DOM Level 2 HTML, which defines JavaScript APIs for both HTML and XHTML. HTML replaces these documents.
  6. 1 2 "HTML5 Differences from HTML4". W3.org. W3C. 19 October 2010. 1 December 2010 tarixində arxivləşdirilib. İstifadə tarixi: 4 December 2010.
  7. "HTML 5.2 W3C Recommendation". W3.org. W3C. 14 December 2017. § 1.10.2 Syntax Errors. 17 May 2019 tarixində arxivləşdirilib. İstifadə tarixi: 29 June 2017.

Xarici keçidlər[redaktə | mənbəni redaktə et]