Kəndim+nizə qayıdın!?

Kəndim+nizə qayıdın!?
Kəndim+nizə qayıdın!?
	Fayl:Kəndim+nizə qayıdın!? (film, 2007).jpg
Janr	Faciəvi komediya
Rejissor	İzzət Əzizov
Ssenari müəllifi	Şahin Nəcəfov
Baş rollarda	Rauf Şahsuvarov — Ziyadxan; Brilliant Babayeva — Gülnisə; İqrar Salamov — Faxoş; Elməddin Cəfərov — Xuduş; Azər Axşam — Nuruş; Mehdi Mehdizadə — Ziriş; Aynur Dadaşova — Məryəm
Operator	İzzət Əzizov
Bəstəkar	Erkin Məmmədov
Rəssam	Sevda Məmmədova
Filmin növü	tammetrajlı bədii film
Müddət	105,5 dəq.
Ölkələr	Azərbaycan
Dil	azərbaycanca
İl	2007
Texniki məlumatlar	videofilm
Rəng	rəngli (ağ-qara kadrlarla)

Filmdə hadisələr can üstdə olan Ziyadxan kişinin (Rauf Şahsuvarov) öz övladlarını başına yığması ilə başlayır. İllərlə atalarına baş çəkməyən, xüsusən də analarının ölümündən sonra ataları ilə maraqlanmayan övladların fərsizliyi, naxələfliyi ifşa edilir. Filmdə ən acınacaqlı hal ölüm ayağında olan Ziyadxan kişinin adicə kəlimeyi-şəhadətini də bilməməsidir. Lakin ingilis Maykl (Elman Rəfiyev) həm türkcə təmiz danışır, həm də müsəlmanın kəlimeyi-şəhadətini yaxşı bilir. Bu isə əcnəbilərin bizi özümüzdən daha yaxşı tanıdığına ünvanlanan uğurlu ştrixdir. Onun elə azəri qızı Məryəmlə (Aynur Dadaşova) evlənmək istəyi və Ziyadxan kişini Gülnisə arvadla (Brilliant Babayeva) evləndirməsi də əslində bir sıra beynəlxalq siyasi atmacalardan xəbər verir. Elə milli-mənəvi problemləri ortaya qoyan nüanslar da bu filmdə az deyil. Cəbhəyə getməkdən qorxub, illərdir öz evinin çardağında gizlənən Nuruşun (Azər Axşam) tez-tez bəlağətlə "Təki Vətən sağ olsun!" deməsi, II Dünya Müharibəsinin iştirakçısı Gopçu Musanın (Elnur Hüseynov) Qarabağın müdafiəsi uğrunda döyüşlərdən basıb-bağlaması çox incə mətləbləri açıq ifadə edir.