Kamal Abdullayev (dövlət xadimi)

Kamal Məmmədoviç (Məmməd oğlu) Abdullayev (8 mart 1922, Bakı – 17 iyun 1982) — Azərbaycan Kommunist Partiyası Qaradağ Rayon və Yevlax Şəhər Komitəsinin birinci katibi.

Kamal Abdullayev
Azərbaycan Kommunist Partiyası Qaradağ Rayon Komitəsinin birinci katibi
1975 – ?
Azərbaycan Kommunist Partiyası Yevlax Şəhər Komitəsinin birinci katibi
1965 – 1975
Şəxsi məlumatlar
Doğum tarixi	8 mart 1922(1922-03-08)
Doğum yeri	Bakı, Bakı qəzası, Azərbaycan SSR
Vəfat tarixi	17 iyun 1982(1982-06-17) (60 yaşında)
Dəfn yeri	II Fəxri Xiyaban
Partiya	Sovet İttifaqı Kommunist Partiyası (1948–1982)
Təhsili	Bakı Ali Partiya Məktəbi (1957–1961)
Təltifləri

1922-ci ildə fəhlə ailəsində anadan olmuşdur, azərbaycanlıdır, 1948-ci ildən Sovet İttifaqı Kommunist Partiyası üzvüdür, ali təhsili var – Bakı Ali Partiya Məktəbini bitirmişdir.

1939-cu ildə əmək fəaliyyətinə başlamışdır, 1941–1946-cı illərdə Sovet Ordusunda xidmət etmişdir, Böyük Vətən müharibəsinin iştirakçısıdır. 1947-ci ildən 1950-ci ilədək sənət məktəbində komsomol təşkilatının katibi, Azərbaycan LKGİ Bakı Komitəsinin şöbə müdiri, 1951-ci ildə Azərbaycan LKGİ Əzizbəyov RK-nın birinci katibi olmuşdur. 1952–1957-ci illərdə Xəzər Neftdaşıma Donanması siyasi şöbəsi rəisinin müavini vəzifəsində işləmişdir. 1958–1961-ci illərdə partiya məktəbində oxumuşdur. 1962-ci ildən Azərbaycan KP Bakı Komitəsinın təlimatçısı, Azərbaycan KP MK-nın məsul təşkilatçısı, inspektoru vəzifələrində işləmişdir. 1965-ci ildən Azərbaycan KP Yevlax Şəhər Komitəsinin birinci katibi olmuşdur, 1975-ci ildən isə Qaradağ Rayon Komitəsinin birinci katibidir.

Azərbaycan SSR Ali Soveti mandat komissiyasının üzvüdür.

Azərbaycan KP MK üzvlüyünə namizəddir.

Yeddinci, səkkizinci və doqquzuncu çağırış Azərbaycan SSR Ali Sovetinə deputat seçilmişdir (Qobustan seçki dairəsi).

• Камал Мамедович Абдуллајев // Азәрбајҹан ССР Али Советинин депутатлары. Доггузунҹу чағырыш. Бакы: Азәрбајҹан Дөвләт Нәшријјаты. 1976. С. 16.