Mehmanxana sahibəsi (film-tamaşa, 1978)

Mehmanxana sahibəsi — rejissorlar Lütfi Məmmədbəyov, Ədalət Ziyadxanov və Tariyel Vəliyev tərəfindən 1978-ci ildə ekranlaşdırılmış iki hissəli televiziya tamaşası. Azərbaycan televiziyasında istehsal edilmişdir. Əsas rolları Zərnigar Ağakişiyeva, Rafael Dadaşov, İlham Namiq Kamal, Hamlet Qurbanov, Sadıq İbrahimov, Sevil Xəlilova və Əsgər Məmmədoğlu ifa edirlər.

Mehmanxana sahibəsi
Janr	komediya
Rejissorlar	Lütfi Məmmədbəyov Ədalət Ziyadxanov Tariyel Vəliyev
Əsərin müəllifi	Karlo Qoldoni
Əsaslanır	Karlo Qoldoninin "Mehmanxana sahibəsi" pyesi
Baş rollarda	Zərnigar Ağakişiyeva Rafael Dadaşov İlham Namiq Kamal Hamlet Qurbanov Sadıq İbrahimov Sevil Xəlilova Əsgər Məmmədoğlu
Operatorlar	Fərman Nəbiyev Süleyman Süleymanov Yusif Yaqubov
Quruluşçu rəssam	Rafael Əsədov
İstehsalçı	Azərbaycan Televiziyası
İlk baxış tarixi	1978-ci il
Filmin növü	Televiziya tamaşası
Müddət	130 dəqiqə
Ölkə	Azərbaycan SSR
Dil	Azərbaycan dili
Bölüm sayı	iki hissəli
Rəng	rəngli

Film-tamaşada hadisələr Mirondalinanın mehmanxanasında cərəyan edir. Mehmanxana sahibəsi Mirondalina gözəl və ağıllı xanımdır. O bütün müştərilərinə həssaslıq və mehribanlıqla yanaşır. Günlərin birində mehmanxanaya gələn Kavaler Ripovratta öz rəftarı ilə Mirondalinada ikrah hissi oyadır. Mehmanxana sahibəsi Kavalerin eqoizmindən, kobudluğundan möhkəm əsəbləşir və bunun intiqamını almağı düşünür. Beləliklə, Mirondalina əvvəlcə Kavaleri özünə aşiq edir, daha sonra ondan öz intiqamını alır. Sonda isə azad ruhlu, şan-şöhrətə əhəmiyyət verməyən Mirondalina ətrafında ona aşiq olanlardan birini, atasının vəsiyyət etdiyi xidmətçi Fabrisionu seçir.

1978-ci ildə Azərbaycan Televiziyasında komediya janrında iki hissəli televiziya tamaşası ekranlara çıxır. Məşhur italyan dramaturqu Karlo Qoldoninin Azərbaycan teatr səhnəsində və televiziya ekranlarında ilk baxışda rəğbətlə qarşılanan, tamaşaçı sevgisi qazanan əsəri belə adlanır : "Mehmanxana sahibəsi". Mehmanxana sahibəsi televiziya tamaşası maraqlı aktyor ansamblı ilə yadda qalıb. Quruluşçu rejissor Lütfi Məmmədbəyovun uğurlu aktyor seçimi ekran əsərinin tamaşaçılar tərəfindən birmənalı olaraq sevilməsinə səbəb olmuşdur. Azərbaycan televiziyasının birinci nəsil operatorlarından biri,"Mehmanxana sahibəsi" tamaşasının operatoru Fərman Nəbiyevin quruluşunda maraqlı səhnələr tamaşa boyu bir-birini əvəz edir.

Quruluşçu rejissorlar: Lütfi Məmmədbəyov, Ədalət Ziyadxanov

Televiziya rejissoru: Tariyel Vəliyev

Quruluşçu operator: Fərman Nəbiyev

Quruluşçu rəssam: Rafael Əsədov

Operatorlar: Süleyman Süleymanov, Yusif Yaqubov

Səs rejissorları: Rauf Haşımov, Lazar Çernomordikov

Səs operatoru: Knara Rzayeva

Qrim üzrə rəssam: Aslan Qafarov

Musiqi tərtibatçısı: Kerman Krupkin

Rejissor köməkçisi: Sevil İbrahimova

İşıq ustaları: Bəxtiyar Əliyev, Əzizağa Mövsümov

Mirondalina — Zərnigar Ağakişiyeva

Kavaler — Rafael Dadaşov

Markiz — İlham Namiq Kamal

Qraf — Hamlet Qurbanov

Fabrisio — Sadıq İbrahimov

Dianira — Sevil Xəlilova

Nökər — Əsgər Məmmədoğlu

Əgər gələcəkdə bir qadın sizin ürəyinizə hakim olsa və siz məğlubiyyət təhlükəsinə düşsəniz,gördüklərinizdən ibrət dərsi alın və mehmanxana sahibəsini xatırlayın. — Karlo Qoldoni

^{[1][2][3][4][5][6][7][8][9][10][11]}