Rafael Əsədov (rəssam)

Bu məqalədəki məlumatların yoxlanıla bilməsi üçün əlavə mənbələrə ehtiyac var. Lütfən, məqaləyə etibarlı mənbələr əlavə edərək onu təkmilləşdirməyə kömək edin. Mənbəsiz məzmun problemlər yarada və silinə bilər. Problemlər həll edilməmiş şablonu məqalədən çıxarmayın. Daha ətraflı məlumat və ya məqalədəki problemlərlə bağlı müzakirə aparmaq üçün məqalənin müzakirə səhifəsinə diqqət yetirə bilərsiniz.

Rafael Hüseyn oğlu Əsədov (19 iyul 1944, Masallı) — kino və televizya rəssamı, Azərbaycan Respublikasının əməkdar mədəniyyət işçisi (2001).

Rafael Əsədov
Doğum tarixi	19 iyul 1944 (79 yaş)
Doğum yeri	Masallı, Azərbaycan SSR, SSRİ
Vətəndaşlığı	SSRİ→ Azərbaycan
Fəaliyyəti	rəssam
Mükafatları	2001

19 iyul 1944-cü ildə Masallı şəhərində anadan olub

1961–1966-cı illərdə Əzim Əzimzadə adına Azərbaycan Dövlət Rəssamlıq məktəbində təhsil alıb.

1969–1977-ci illərdə Azərbaycan Dövlət İnşaat Mühəndisləri İnstitutunun memarlıq fakültəsndə təhsil alıb.

1968-ci ildən AzTV-də əmək fəaliyyətinə başlamışdır. 40 ildən artıq müddətdə baş rəssam vəzifəsini daşımaqla Televiziyanın qızıl fondunda saxlanılan onlarla televiziya tamaşaları və filmlərinin quruluşçu rəssamı olmuşdur.

1997-ci ildə "Topal Teymur", "Ac həriflər", "Nigarançılıq"televiziya tamaşalarının bədii həllinə görə rejissor Ramiz Mirzəyev və operator Eldar Məmmədovla birlikdə "Humay" mükafatına layiq görülmüşdür.

2012–2015-ci illərdə "SPACE" telekanalında baş rəssam çalışıb.

2017-ci ildən Azərbaycan Dövlət Mədəniyyət və İncəsənət Universitetinin Təsviri Sənət Kafedrasında müəllim vəzifəsində çalışır.

1989-cu ildən Azərbaycan Rəssamlar İttifaqının üzvüdür.

2013-cü ildən Azərbaycan Kinematoqrafçılar İttifaqının üzvüdür.

2001-ci ildə "Azərbaycan Respublikasının əməkdar mədəniyyət işçisi" fəxri adına layiq görülmüşdür.

1968-ci ildən başlayaraq "Yazıçı", "Gənclik", "Maaraf"və s. nəşriyyat orqanlarında , 2Pioner", "Ulduz" jurnallarında Azərbaycan və Dünya ədəbiyyatı nümunələrinə yüzlərlə illüstrasiyalar hazırlamışdır ki, bu illüstrasiyaiarın bir qismi Respublika Muzeylərinin eksponatıdır.

Rafael Əsədov Respublika rəssamları sərgilərinin daimi iştirakçısıdır.

• Mehmanxana sahibəsi (1978, tammetrajlı film-tamaşa) – rəssam
• Ötən ilin son gecəsi (film, 1978) – rəssam
• Alov (film, 1979) – rəssam
• Evləri köndələn yar (film, 1982) – rəssam
• Bağışla (film, 1983) – rəssam
• Balıq günü (film, 1983) – rəssam
• Topal Teymur (film, 1983)– rəssam
• Səndən xəbərsiz (film, 1985)– rəssam
• Astana (film, 1986) – rəssam
• Ağ atlar üçün vals – rəssam
• Ordan-burdan (film, 1987) – rəssam
• Sən həmişə mənimləsən (film, 1987) – rəssam
• Yaşıl eynəkli adam (film, 1987)– rəssam
• Dəfn edilməmiş ölülər (1988, tammetrajlı film-tamaşa) – rəssam
• Qonşu qonşu olsa... (film, 1989) – rəssam
• Yad qızı (1990, tammetrajlı film-tamaşa) – rəssam
• Ac həriflər (film, 1993) – rəssam
• İtkin gəlin (film, 1994) (1994, bədii serial) – rəssam
• Yurd yeri – rəssam
• Bala-başa bəla! (film, 1995) (1995, tammetrajlı film-tamaşa) – rəssam
• Duel (1995, tammetrajlı film-tamaşa) – rəssam
• Muğam (II) (1995, tammetrajlı film-tamaşa) – rəssam
• Cəza (1996, tammetrajlı film-tamaşa) – rəssam
• Fatehlərin divanı – rəssam
• Yurd yeri 2 – rəssam
• Nigarançılıq (film, 1998) – rəssam
• Dirsə xanın oğlu Buğacın boyu (2000, tammetrajlı film-tamaşa) – rəssam
• Başmaq (2001, qısametrajlı bədii film) – rəssam
• Salur Qazanın evi talandığı boy (film, 2001) – rəssam
• Güllələnmiş heykəllər (film, 2002) – rəssam
• Dəvətnamə (film, 2003) – rəssam
• Sara Qədimova (2003, qısametrajlı sənədli televiziya filmi) – rəssam
• Tilsim (film, 2005) – rəssam
• Bəylik dərsi və ya keçmişdən gülməcələr... (film, 2007) – rəssam
• Bir ovuc torpaq (film, 2009) – rəssam
• Bir rəngin min çaları (2010, qısametrajlı sənədli televiziya filmi) – rəssam
• Ləyaqət hücrəsi (film, 2011) – rəssam
• Mürafiə vəkillərinin hekayəti (film, 2011) – rəssam
• Tək olanda qorxma... (teleserial, 2013) – rəssam