Mirzəağa Quluzadə

Mirzağa Quluzadə (Tam adı: Mirzəağa Yüzbaşı oğlu Quluzadə; d. 25 oktyabr 1907 – ö. dekabr 1979) — Ədəbiyyatşünas, filologiya elmləri doktoru, professor.

Həyatı[redaktə | mənbəni redaktə et]

Mirzağa Quluzadə 24 oktyabr 1907-ci ildə anadan olmuşdur. 1923-1927-ci illərdə Azərbaycan Dövlət Pedaqoji Texnikumunda təhsil almışdır. 1927-1932-ci illərdə Salyan şəhər orta məktəbində müəllim işləmişdir. 1932-ci ildə Azərbaycan Dövlət Pedaqoji İnstitutunun Dil və ədəbiyyat fakültəsinə daxil olmuşdur. 1936-cı ildə ali təhsilini başa vuraraq Qazax pedaqoji məktəbində müəllim işləmişdir. 1939-1941-ci illərdə SSRİ EA Azərbaycan filialının aspirantı olmuşdur. 1948-1956-cı illərdə Bakı Dövlət Universitetində müəllim işləmişdir. 1948-1952-ci illərdə AMEA Nizami adına Ədəbiyyat İnstitutunda direktor müavini, 1952-1958-ci və 1969-1979-cu illərdə isə direktor vəzifəsində çalışmışdır.

1948-ci ildə namizədlik, 1956-cı ildə doktorluq dissertasiyası müdafiə etmişdir.

Ədəbi irsin araşdırılması və milli kadrların hazırlanmasındakı fəaliyyətinə görə "Qırmızı Əmək bayrağı" ordeni ilə təltif edilmişdir.

Mirzağa Quluzadə 1979-cu ilin dekabr ayında vəfat etmişdir.

Ailəsi[redaktə | mənbəni redaktə et]

Həyat yoldaşı Yaqut Dilbazi Azərbaycanın Xalq şairi Mirvarid Dilbazinin bacısıdır.

Azərbaycanın görkəmli dövlət xadimi, politoloq Vəfa Quluzadənin atasıdır.

Yaradıcılığı[redaktə | mənbəni redaktə et]

Mirzağa Quluzadə “Nizami Gəncəvi”, “Füzulinin lirikası”və “Böyük ideallar şairi”, monoqrafiyalarının müəllifidir. “Azərbaycan ədəbiyyatı tarixi”nin birinci cildinin müəllifi və redaktorlarından biridir. Onun elmi fəaliyyətinin əsasını qədim və orta əsrlər Azərbaycan ədəbiyyatının tədqiqi təşkil edir. Alimin rəhbərliyi ilə onlarla elmlər namizədi hazırlanmışdır. AMEA-nın müxbir üzvü, professor Abbas Zamanov onun vəfatı ilə bağlı "Ədəbiyyat və incəsənət" qəzetində (14 deabr 1979) yazmışdır: "Tariximizin dərinliklərində yaranmış ədəbiyyatımızın Nizami, Nəsimi, Füzuli kimi nəhənglərinin yaradıcılığının öyrənilməsi və əsərlərinin nəşri professor M.Quluzadənin adı ilə bağlıdır".

Kitabları[redaktə | mənbəni redaktə et]

• Nizami Gəncəvi: həyat və yaradıcılığı, Bakı: AzSSR EA nəşriyyatı, 1953, 106 s.
• Низами Гянджеви: жизнь и творчество. Баку: Изд. Академии наук Азербайджанской ССР, 1953, 83 c.
• Füzulinin lirikası. Bakı: AzSSR EA nəşriyyatı, 1965, 474 s.
• Böyük ideallar şairi. Bakı: Gənclik, 1973, 138 s.

İstinadlar[redaktə | mənbəni redaktə et]

• Vəfa Quluzadə. Ömürdən səhifələr:bitirilməmiş memuarlar, Bakı: ADA Universiteti nəşriyyatı, 2016, 87 s.
• Məmməd Əiyev. Xatirələrdə yaşayan insan, "Ədəbiyyat qəzeti", 20 yanvar 2018
• Məmməd Əiyev. Professor Mirzağa Quluzadə, "Ədəbiyyat qəzeti", 24 fevral 2018

Həmçinin bax[redaktə | mənbəni redaktə et]

• Əli Sultanlı
• Mikayıl Rəfili
• Vəfa Quluzadə

Xarici keçidlər[redaktə | mənbəni redaktə et]

Görkəmli alim Mirzağa Quluzadə Azərbaycan elminin inkişafına dəyərli töhfələr verib Xatirələrdə yaşayan insan - Mirzağa Quluzadə