Mixail Çiaureli

Mixail Edişeroviç Çiaureli (gürc. მიხეილ ჭიაურელი; 1894 — 1974) — Gürcüstan kinorejissoru, SSRİ xalq artisti (1948).

Mixail Çiaureli
gürc. მიხეილ ჭიაურელი
Mixail Çiaureli 1938-ci ildə
Doğum tarixi	6 fevral 1894
Doğum yeri	Tbilisi, Rusiya imperiyası
Vəfat tarixi	31 oktyabr 1974 (80 yaşında) (80 yaşında)
Vəfat yeri	Tbilisi, Gürcüstan SSR, SSRİ
Dəfn yeri	Didube panteonu Mtatsminda panteonu[d]
Vətəndaşlığı	Rusiya İmperiyası SSRİ Gürcüstan SSR
Həyat yoldaşı	Veriko Ancaparidze
Uşağı	Sofiko Çiaureli
Fəaliyyəti	kinorejissor, ssenarist
Təhsili	Tbilisi Dövlət Rəssamlıq Akademiyası (–1912)
Mükafatları
IMDb	ID0157102

Mixail Çiaureli 6 fevral 1894-cü ildə Tbilisidə anadan olub. 1916-cı ildə Tbilisi Boyakarlıq və Heykəltəraşlıq məktəbini bitirmişdir. 1921-ci ildən teatrda rəssam, rejissor, aktyor işləmişdir. Kinoda aktyor kimi debütü "Arsen Corciaşvili" filmində olmuşdur (1921, Arsen). "Suram qalası" (1923, Osman ağa), "Keçmişin dəhşətləri" (1925, Harun), "Natella" (1926, Condo), "Xanuma" (1927, Siko) filmlərinə çəkilmişdir. 1928-ci ildə Yefim Dziqanla birlikdə "Birinci kornet Streşnev" filmini çəkmişdir. Ən yaxşı filmləri: "Son saatda" (1928), "Saba" (1929), "Axırıncı maskarad" (1934, ilk səsli gürcü filmi), "Arsen" (1937), "Georgi Saakadze" (1942), "And" (1946), "Berlinin süqutu" (1950), "Bir qız haqqında povest" (1960), "İndi başqa zəmanədir" (1965) və s. Bir neçə animasiya filmi də çəkmişdir. 1948-ci ildə SSRİ xalq artisti adı almışdır. Beşqat Stalin mükafatı laureatıdır (1941, 1943, 1946, 1947, 1950). Mixail Çiaureli 31 oktyabr 1974-cü ildə Tbilisidə vəfat etmişdir.

• AME. 5-ci cild. Bakı 2014. səh 550.