Movsar Barayev

Movsar Barayev (26 oktyabr 1979, Arqun, Çeçen-İnquş MSSR – 26 oktyabr 2002, Moskva) — Çeçen səhra komandiri[1], terrorçu, Çeçenistandakı separatçı hərəkatın fəal iştirakçısı, Çeçen İçkeriya Respublikasının silahlı birləşmələrində İslam Xüsusi Təyinatlı Alay komandiri vəzifəsini icra edən şəxs[2]. Arbi Barayevin qardaşı oğlu olmuşdur. 2002-ci ilin oktyabrında Moskvada Dubrovka Teatr Mərkəzinin binasında girov götürülməsi ilə əlaqədar məşhurlaşmışdır.

Movsar Barayev
Doğum tarixi 26 oktyabr 1979(1979-10-26)
Doğum yeri
Vəfat tarixi 26 oktyabr 2002(2002-10-26) (23 yaşında)
Vəfat yeri

Bioqrafiyası

[redaktə | mənbəni redaktə et]

26 oktyabr 1979-cu ildə Çeçen-İnquş Muxtar Sovet Sosialist Respublikasının Arqun şəhərində anadan olubmuşdur. Atası Buxari Süleymanov, anası Larisa Baraevadır. Movsarın bir qardaşı və Raisa, Fatimə adlı bacıları olmuşdur. On səkkiz yaşından etibarən separatçıların silahlı birləşmələrində iştirak edir, əmisi Arbi Barayevin əmr etdiyi İslam Xüsusi Təyinatlı Alayda xidmət edir. Sonradan Arbinin şəxsi mühafizəçisi olur.

1998-ci ilin yayında Şəriət Mühafizəsi tərəfində Əbdül-Malik Mecidov Qudermesdəki toqquşmalarda iştirak edir. Bu döyüşdə yaralanır.

İkinci Çeçenistan müharibəsi zamanı federal qoşunlara qarşı hərbi əməliyyatlarda iştirak edir. 2001-ci ilin yayında Alxan-Kala kəndinin camaatına rəhbərlik edir. Rus qoşunlarının sütunlarına bir neçə hücum və Qudermes, Qroznı və Urus-Martanda bir sıra partlayışlar təşkil edir[3]. 2002-ci ilin oktyabrında Murad Yusuphaciyevin ölümündən sonra İslam Xüsusi Təyinatlı Alayına rəhbərlik edir.

23 iyun 2001-ci ildə əmisi Arbi Barayev Alxan-Kala kəndində məhv edilir[4] və Movsara əmisinin dəstəsinin böyük hissəsini miras qalır.

21 avqust 2001-ci ildə rəhbərliyi Movsar Barayevin öldüyünü elan edir. Hətta belə detallar verilir ki, Barayev xüsusi əməliyyat zamanı məhv edilmişdir. Təxminən bir həftə sonra Barayevin ölümünün başqa bir rəsmi təsdiqi gəlir. Lakin sonra Barayev çeçen döyüşçülərinin saytlarına şərh yazmağa başlayır. Onun ölmədiyi məlum olur.

12 oktyabr 2002-ci ildə Çeçenistandakı qüvvələr qrupunun komandir müavini Boris Podopriqor "Barayevin Rusiya artilleriyası və aviasiyasının dəqiq hücumları nəticəsində öldürüldüyünü" bildirir. Barayevin komandanlıq etdiyi iddia edilən yaraqlılardan ibarət böyük bir dəstənin Urus-Martan rayonu əraazisində dağlarda aşkar edildiyi və şiddətli bombardman, top atəşinə məruz qaldığı açıqlanır. Barayevin cəsədi bir vaxtlar əmisi Arbi Barayevin cənazəsi göstərilsə də televiziya kameraları qarşısında göstərilmir.

2002-ci ilin oktyabr ayının sonunda, Şamil Basayevin əmri ilə Barayev Moskvaya təxribat və terror dəstəsinin komandiri olaraq basqında iştirak edir.

23 oktyabr 2002-ci ildə Barayevin rəhbərlik etdiyi bir qrup Moskvada keçirilən "Nord-Ost" musiqisi festivalı zamanı Mədəniyyət Evinin binasını ələ keçirir. Barayev Rusiya hakimiyyətindən İçkeriyadakı hərbi əməliyyatları dayandırmağı və Aslan Masxadovla danışıqlara başlamağı tələb edir. Əhməd Zakayev faciədən az sonra Barayev haqqında belə danışır:

" “Mən onunla heç vaxt görüşməmişəm. Müharibə və repressiyadan başqa heç nə bilməyən yeni nəslin nümayəndələrindən biridir”.[5] "

26 oktyabr 2002-ci ildə Rusiya Federasiyası Federal Təhlükəsizlik Xidmətinin xüsusi qüvvələri olan "Alfa" və "Vympel" qrupları tərəfindən Mədəniyyət Sarayının binasına hücum edilir. Bu zaman Barayev öldürülür. Barayevlə birlikdə, huşunu itirənlər də daxil olmaqla, qalan terrorçular öldürülür[6][7].

İstinadlar

[redaktə | mənbəni redaktə et]
  1. ↑ "В Чечне убит известный полевой командир Мовсар Бараев - ПОЛИТ.РУ". polit.ru. 2021-10-20 tarixində arxivləşdirilib. İstifadə tarixi: 2020-12-21.
  2. ↑ "Последний рейд приговоренных". Коммерсантъ (rus). 2002-10-27. 2021-10-20 tarixində arxivləşdirilib. İstifadə tarixi: 2020-12-21.
  3. ↑ "Уничтоженные чеченские боевики. Справка". 2017-03-18 tarixində arxivləşdirilib. İstifadə tarixi: 2021-10-20.
  4. ↑ "Газета.Ru — Кто такой Мовсар Бараев". 2021-10-20 tarixində orijinalından arxivləşdirilib. İstifadə tarixi: 2021-10-20.
  5. ↑ "Находящийся в розыске Закаев призывает к миру, «ИноСМИ»". 2014-04-28 tarixində arxivləşdirilib. İstifadə tarixi: 2021-10-20.
  6. ↑ "Следствие еще раз проверит операцию по освобождению заложников «Норд-Оста»". riasv.ru. 2015-09-25 tarixində arxivləşdirilib. İstifadə tarixi: 08.09.2015.
  7. ↑ "Правда об освобождении заложников "Норд-Оста"". RussiaHouseNews.info. 2015-11-20 tarixində arxivləşdirilib. İstifadə tarixi: 08.09.2015.

Mənbə

[redaktə | mənbəni redaktə et]