Nəbibə Həsənova

Nəbibə Baladayı qızı Həsənova (22 sentyabr 1932, Bakı) — Azərbaycan dövlət xadimi, Azərbaycan SSR məişət xidməti naziri (1964–1968), Azərbaycan SSR məişət xidməti və yerli istehsal naziri (1963–1964).

Nəbibə Həsənova
Azərbaycan SSR məişət xidməti naziri
3 iyul 1964 – 25 noyabr 1968
Əvvəlki	özü (məişət xidməti və yerli istehsal naziri kimi)
Sonrakı	Zurab Muradəliyev
Azərbaycan SSR məişət xidməti və yerli istehsal naziri
11 iyun 1963 – 11 iyun 1964
Əvvəlki	Davud Məmmədov
Sonrakı	özü (məişət xidməti naziri kimi)
Şəxsi məlumatlar
Doğum tarixi	22 sentyabr 1932 (91 yaş)
Doğum yeri	Bakı, Azərbaycan SSR, SSRİ
Təhsili	Moskva Tekstil İnstitutu[d] (–1955)
Təltifləri

Nəbibə Baladayı qızı Həsənova 1932-ci il sentyabrın 22-də Bakı şəhərində anadan olub. Moskva Yüngül Sənaye Texnologiyası İnstitutuna daxil olub.^[1] 1955-ci ildə təhsili başa vuraraq təyinatla Azərbaycan SSR Yüngül Sənaye Nazirliyinin tələbinə əsasən Ə.Bayramov adına fabrikdə mühəndis-mexanik kimi ilk əmək fəaliyyətinə başlayır. Üç aydan sonra isə baş mühəndis vəzifəsinə irəli çəkilir.^[1]

Nəbibə Həsənova 1961-ci ildə respublika yerli sənaye nazirinin müavini, 1963-cü ildə isə məişət xidməti və yerli istehsal naziri vəzifələrinə yüksəlib. 1968-ci ildə isə o, Azərbaycan SSR Nazirlər Soveti ticarət şöbəsinin müdiri vəzifəsinə təyin olunur.^[1]

1967–1971-ci illərdə Azərbaycan SSR Ali Sovetinin deputatı olub.^[1]

1989-cu ildən fərdi dövlət təqaüdündədir.^[1]

Nəbibə Həsənovanın vətən və xalq qarşısındakı xidmətləri dövlət təltiflərinə, orden və medallara layiq görülüb.^[1]

Üç övladı, 5 nəvəsi və iki nəticəsi var. Aydın, Yeganə və Təranə adlı övladları var.^[1]

• Gülnaz Qənbərli. "12 erməni direktoru vəzifədən azad etmişdim…" (müsahibə). "Hüriyyət" qəzeti, 21–23 sentyabr 2012-ci il.
• Elmin Nuri. SSRİ-nin 29 yaşlı azərbaycanlı naziri — O bir gündə 12 erməni direktoru işdən qovub. modern.az saytı. Yayımlanıb: 04.12.2015.