Nils Lidholm

Nils Lidholm (8 oktyabr 1922^[1] – 5 noyabr 2007)^[2] — keçmiş isveçli yarımmüdafiəçi və məşqçi. İtaliyada çıxış edərkən o, Il Barone (Baron) ləqəbi ilə tanınırdı. Milanın və İsveç millisində çıxış edərkən Qunnar Qren və Qunnar Nordal ilə birlikdə Gre-No-Li hücum üçlüyünün üzvü idi. Məhz Milanın heyətində o, nəzərəçarpacaq uğurlar əldə edə bilmişdi. Nils oyunu quran yarımmüdafiəçi idi, hansıki öz ötürmələri, uzaqgörənliyi, topa nəzarəti və gözəl oyun üslubu ilə bütün dünyaya məşhur olmuşdu. O, Milanda oynamış ən dahi futbolçulardan biri sayılır.^[3] Lidholm təqribən 40 il ərzində 6 italyan klublarında məşqçilik etmişdi və İtaliya futbol tarixi ərzində ən uğurlu məşqçilərdən sayılır.^[4] XX əsrin sonunda İsveçin ən böyük qəzeti Aftonbladet-in oxucuları tərəfindən minilliyin ən yaxşı İsveçli futbolçusu seçilmişdi.

Nils Lidholm
Ümumi məlumatlar
Ləqəbi	Lidas, Baron
Doğum tarixi	8 oktyabr 1922
Doğum yeri	Valdemarsvik, İsveç
Vəfat tarixi	5 noyabr 2007 (85 yaşında)
Vəfat yeri	Kukkaro Monferrato, İtaliya
Dəfn yeri	Turin xatirə qəbiristanlığı[d]
Vətəndaşlığı	İsveç, İtaliya
Boyu	185 sm
Mövqeyi	Yarımmüdafiəçi
Karyerası
Klub karyerası[* 1] 1938—1942 Valdemarsviks IF ? (?) 1943—1946 IK Sleipner 60 (24) 1946—1949 IFK Norrköping 48 (22) 1949—1961 Milan 359 (81) Milli yığma[* 2] 1946—1958 İsveç milli futbol komandası 23 (12) Məşqçisi olduğu klublar 1961—1963 Milan köməkçi məşqçi 1963—1966 Milan 1966—1968 Hellas Verona 1968—1969 Monza 1969—1971 Varese 1971—1973 Fiorentina 1973—1977 Roma 1977—1979 Milan 1979—1984 Roma 1984—1987 Milan 1987—1989 Roma 1992 Hellas Verona 1997 Roma
Təltif və medalları
Olimpiya oyunları Qızıl London 1948 FİFA Dünya Kuboku Gümüş İsveç 1958
↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.
Vikianbarda əlaqəli mediafayllar

1938-ci ildə Lidholm ilk klubu Valdemarsviks IF gəldi. 1942-ci ildə IK Sleipner, 1946-da isə IFK Norrköping klubuna keçdi. Bu klubun heyətində İsveç liqasının qalibi olmuşdur. İsveç millisi ilə 1948 Yay Olimpiya Oyunlarının qalibi olandan sonra, 1949-cu ildə ona Milandan təklif gəldi. Onun bu komandanın forması ilə oynadığı ilk oyun Sampdoriyaya qarşı olmuşdur, oyun Milanın 3–1 qələbəsi ilə bitmişdir. İtaliyada keçirtdyi ilk mövsümdə yarımmüdafiəçi 37 oyuna 18 qol vurmuşdur. 1951-ci ildə Lidholm ilk scudetto-sunu əldə etmişdir, bu uğur daha 3 dəfə 1955, 1957 və 1959-cu illərdə təkrarlandı. Bu oyunçu 1951-də Latın Kubokunu qazana bilmişdir, 1956-da isə Real Madridə qarşı keçirilən Avropa Kubokunun fınalında o, meydana kapitan sarğısı ilə başlamışdı, amma oyunu İspaniya təmsilçisi əlavə vaxtlarda 3–2 udmuşdur.

Lidholm fitnesin futbolda yaxşı nəticə qazanmaq üçün mühüm olduğunu anlayan ilk futbolçulardan idi. Buna görədə o, məşqdə digər futbolçulardan daha çox saat keçirdirdi. Onun sözlərinə görə, həftədə 2 dəfə nizə və güllə atıcılığı və uzağa tullanış ilə məşğul olurdu.^[5] Onun klub karyerası 40 yaşına qədər davam etmişdir.

İsveç komandası ilə 1948 Yay Olimpiya Oyunlarını udan Nils vətənində keçirilən 1958 ilin Dünya Çempionatında millisinin kapitanı idi. Onun yaşı artıq 36-ya çatsa da, o, millisinə finala qədər gəlməyə kömək etmişdir. Sonuncu oyunda onlar braziliyalılara uduzmuşdular. Hesabı Lidholm açmışdı və bununla da Dünya Çempionatının finalında qol vura bilmiş ən qoca oyunçu olmuşdur, buna baxmayaraq 17 yaşlı Pele və Didinin komandası oyunu 5–2 edə bilmişdi.

Oyunçu karyerasını bitirdikdən sonra Lidholm Milanda köməkçi məşqçi vəzifəsində çalışırdı. 1963-cü ildə Milanın, 1966-da isə Hellas Veronanın baş məşqçisi təyin edilmişdi. Müxtəlif illərdə o, Monza, Varese, Fiorentina və Romada məşqçi funksiyasını yerinə yetirirdi. 1969-70-ci ilin mövsümündə o, Vareseni Seria B qalibi edərək, yüksək liqaya çıxarda bilmişdir. Onun növbəti uğuru 1978-79 sezonuna təsadüf edir, beləki bu illərdə o, Milanı İtaliya çempionatının çempionu etmişdi. 1984-cü ildə Lidholm Roma ilə birgə Avropa Kubokunun finalında oyun sonrası penalti zərbələrində Liverpul klubuna məğlub olmuşdur. 1980, 1981 və 1984 illərdə Romaya üç dəfə İtaliya Kubokunu qazandırmağa bacarmışdı.

Futbol tərk etdikdən sonra o, yenədə İtaliyada yaşamağa davam elədi və oğlu Karlo ilə birgə üzümçülük ilə məşğul olurdu. 5 noyabr 2007-ci ildə Nils Lidholm Kukkaro Monferratoda, Alessandriyaya provinsiyasında yerləşən evində vəfat etmişdir.

IFK Norrköping

• İsveç çempionu: 1946–47, 1947–48

Milan

• Seria A: 1950-51, 1954-55, 1956-57, 1958-59
• Latın Kuboku: 1950-51, 1955-56
• UEFA Çempionlar Liqasının finalçısı: 1957–58

İsveç millisi

• 1948 Yay Olimpiya Oyunları: Qızıl medalçısı
• Futbol üzrə dünya çempionatı 1958: finalçı

Varese

• Seria B: 1969-70

Milan

• Seria A: 1978-79

Roma

• Seria A: 1982-83
• Italiya kuboku: 1979-80, 1980-81, 1983-84
• UEFA Çempionlar Liqasının finalçısı: 1983–84

• Seminatore d'Oro: 1974-1975, 1983