Oleq Gerasimyuk

Oleq Gerasimyuk (ukr. Олег Герасимюк; doğ. 25 sentyabr 1986, Vladimir-Volınski, Volın vilayəti, Ukrayna SSR, SSRİ) — Ukrayna futbolçusu, "Volın Lutsk" klubunun yarımmüdafiəçisi.

Oleq Gerasimyuk
ukr. Олег Герасимюк
Ümumi məlumatlar
Doğum tarixi 25 sentyabr 1986(1986-09-25)[1][2] (37 yaş)
Doğum yeri
Vətəndaşlığı
Boyu 178
Çəkisi 62 kq
Mövqeyi yarımmüdafiəçi
Klub haqqında məlumat
Klub Ukrayna Volın Lutsk
Nömrəsi 7
Karyerası
Gənclik karyerası
2001—2003 Ukrayna Volın Lutsk
Klub karyerası[* 1]
2003 Ukrayna Kovel Volın 9 (0)
2003—2005 Ukrayna Volın Lutsk 6 (0)
2004 → Ukrayna İkva 8 (0)
2005—2009 → Ukrayna Dinamo Kiyev 2 (0)
2005—2010 → Ukrayna Dinamo-2 Kiyev 40 (2)
2005—2006 → Ukrayna Volın Lutsk 19 (0)
2006—2007 → Ukrayna Arsenal Kiyev 16 (0)
2008 → Azərbaycan Neftçi 5 (1)
2010—2012 Ukrayna Volın Lutsk 50 (4)
2013 Ukrayna Arsenal Kiyev 20 (1)
2014—2015 Ukrayna Hoverla 21 (0)
2015— Ukrayna Volın Lutsk 60 (4)
Milli yığma[* 2]
2003 Ukrayna Ukrayna (17 yaşlılar) 2 (0)
2003—2004 Ukrayna Ukrayna (19 yaşlılar) 12 (0)
2005 Ukrayna Ukrayna (21 yaşlılar) 6 (0)
Təltif və medalları
  1. ↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
  2. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.
Vikianbarın loqosu Vikianbarda əlaqəli mediafayllar

Həyatı

[redaktə | mənbəni redaktə et]

Klub karyerası

[redaktə | mənbəni redaktə et]

Gerasimyuk "Volın Lutsk" klubunun yetirməsidir. 2003-cü ildə "Kovel Volın" komandasına, 2004-cü ildə isə yetirməsi olduğu "Volın Lutsk" komandasına keçib. Lutsk komandasının heyətində ilk görüşünü — 15 iyul 2004-cü ildə Ukrayna çempionatı çərçivəsində "Tavriya Simferopol" komandasına qarşı keçirib. Karyerasının başlanğıcında onu məşhur çex futbolçu Pavel Nedved ilə müqayisə edirdilər.[3]

2005-ci ilin qışında Kiyevin "Dinamo" komandasına keçib. 2005-ci ilin yayında "Volın Lutsk"a icarəyə verilib. 2006-cı ilin yayında icarə əsasında Dnepropetrovskun "Dnepr" komandasına keçmək variantı olsa da,[4] Kiyevin "Arsenal" komandasına keçib.[5] 2006/07 mövsümündə "Arsenal"ın heyətində yüksək liqada 16 görüş keçirib. 2008-ci ilin yayında "Dinamo"da birgə işlədiyi Anatoli Demyanenkonun dəvəti ilə icarə əsasında Azərbaycanın "Neftçi" komandasına keçib. "Neftçi"nin heyətində ölkə çempionatında 5 oyun, UEFA İntertoto Kubokunda isə 6 oyun keçirib və 1 qol vurub.[6] Gerasimyuk "Neftçi"nin heyətində yeganə qolunu, UEFA İntertoto Kubokunun üçüncü təsnifat mərhələsi çərçivəsində Rumıniyanın "Vasluy" komandasının qapısından keçirib.

2010-cu ildə "Volın Lutsk"a qayıdıb. Bu komandanın heyətində 50 oyun keçirib, 4 qol vurub.

2013-cü ildə Lutsk komandasını tərk edib və azad agent kimi Kiyev "Arsenal"ına keçib. Burada 21 oyun keçirib, 1 qol vurub. 2013-cü ilin payızında "Arsenal" komandası fəaliyyətini dayandırdığından, bütün oyunçular kimi, o da, azad agent qismində klubu tərk edib.

Milli karyerası

[redaktə | mənbəni redaktə et]

Gerasimyuk müxtəlif illərdə Ukraynanın 17, 19 və 21 yaşlılardan ibarət millilərinin formasını geyinib. 29 mart 2005-ci ildə Danimarka milli komandasına qarşı keçirilən matçda (0:1) 21 yaşadək futbolçulardan ibarət Ukrayna yığma komandasında debüt edib. 2005-ci ilin iyun ayında Futbol üzrə Gənclər arasında Dünya Çempionatında iştirak edib. Gerasimyuk qrup mərhələsində Panama (3:1), Çin (3:2) və Türkiyə (2:2) yığmaları ilə baş tutmuş hər üç görüşdə iştirak edib. Ukrayna qrupu 2-ci yeri bitirərək 1/16 final mərhələsinə yüksəlsə də, burada, Nigeriya yığmasına 0:1 hesabı ilə məğlub olub. Gerasimyuk bu görüşdə iştirak etməyib.

2007-ci ilin avqustunda Tələbələrdən ibarət Ukrayna milli futbol komandasının heyətində Universiadanın qalibi olub.[7][8] Bu qələbəyə görə yığmanın oyunçuları "Ukraynanın Beynəlxalq Dərəcəli İdman Ustası" fəxri adına və min dollar məbləğində pul mükafatına layiq görülüblər.[9]

Şəxsi həyatı

[redaktə | mənbəni redaktə et]

Gerasimyuk futbol ilə paralel olaraq Lutsk Dövlət Universitetinin bədən tərbiyəsi fakultəsində təhsil alıb.[10]

Dövlət mükafatları

[redaktə | mənbəni redaktə et]
  • "Əmək və şücaət" medalı (06.09.2007)[11]

İstinadlar

[redaktə | mənbəni redaktə et]
  1. ↑ Oleg Gerasymyuk // Transfermarkt (çd.). 2000.
  2. ↑ Oleh Herasymyuk // FBref.com (çd.).
  3. ↑ "Олег Герасимюк: «Уже начинают называть Недведом» / Dynamomania.com". 2015-06-15 tarixində arxivləşdirilib. İstifadə tarixi: 2020-07-01.
  4. ↑ "Герасимюк привыкает к «Днепру» / Football.ua". 2023-08-06 tarixində arxivləşdirilib. İstifadə tarixi: 2020-07-01.
  5. ↑ "Герасимюк: «Постараюсь привлечь внимание Демьяненко» / Football.ua". 2023-08-06 tarixində arxivləşdirilib. İstifadə tarixi: 2020-07-01.
  6. ↑ Oleg Gerasimyuk > UI-Cup 2008/09 / Bundesliga.weltfussball.at[ölü keçid]
  7. ↑ "Сборная Украины — чемпион Универсиады-2007. Постскриптум / Profootball.com". 2007-08-27 tarixində orijinalından arxivləşdirilib. İstifadə tarixi: 2020-07-01.
  8. ↑ "Українці — перші на Всесвітній Універсіаді! / Ffu.org". 2008-12-11 tarixində arxivləşdirilib. İstifadə tarixi: 2020-07-01.
  9. ↑ "Студентська збірна отримала нагороди". 2012-09-17 tarixində arxivləşdirilib. İstifadə tarixi: 2009-10-06.
  10. ↑ "«Динамовская» молодежь готова к первым испытаниям / Ua-football.com". 2023-08-06 tarixində arxivləşdirilib. İstifadə tarixi: 2020-07-01.
  11. ↑ "Указ Президента України № 826/2007 від 6 вересня 2007 року «Про відзначення державними нагородами України членів студентської збірної команди України на XXIV Всесвітній літній Універсіаді 2007 року» / Zakon3.rada.gov.ua". 2016-03-04 tarixində arxivləşdirilib. İstifadə tarixi: 2020-07-01.

Xarici keçidlər

[redaktə | mənbəni redaktə et]