Oqtay Şahbazov

Bu məqalədə yalnız ilkin və ya onunla əlaqəli mənbələrdən istifadə olunur. Məlumatlar müstəqil ikinci mənbələrə əsaslanmalıdır, əks halda məqalənin neytrallığı və ya əhəmiyyəti ilə bağlı şübhələr yarana, bunun nəticəsində də silinə bilər. Məqaləyə etibarlı istinad və mənbələr əlavə etməklə onu təkmilləşdirə bilərsiniz.

Oqtay Qəşəm oğlu Şahbazov (1 noyabr 1941, İrəvan) — dövlət xadimi, Azərbaycan Respublikası Prezidentinin İşlər müdiri (1992–1993, 2016–2021), Dövlət qulluğunun 1-ci dərəcə dövlət müşaviri. Əməkdar dövlət qulluqçusu (2015) fəxri adı və "Şöhrət" ordeni ilə təltif edilmişdir (2011).

Oqtay Şahbazov
Azərbaycan Respublikası Prezidentinin İşlər müdiri
15 yanvar 2016 – 26 yanvar 2021
6 aprel 1992 – 11 may 1993
Azərbaycan Respublikası Prezidentinin İşlər müdirinin birinci müavini
31 dekabr 1991 – 6 aprel 1992
11 may 1993 – 15 yanvar 2016
Azərbaycan Kommunist Partiyası Mərkəzi Komitəsinin İşlər müdiri
13 fevral 1990 – 14 sentyabr 1991
Şəxsi məlumatlar
Doğum tarixi	1 noyabr 1941(1941-11-01) (83 yaş)
Doğum yeri	İrəvan, Ermənistan SSR, SSRİ
Partiya	Yeni Azərbaycan Partiyası, Azərbaycan Kommunist Partiyası
Təhsili	Azərbaycan Dövlət Xarici Dillər İnstitutu (1959–1964), Azərbaycan Dövlət Pedaqoji Universiteti
Fəaliyyəti	siyasətçi
Atası	Qəşəm Şahbazov
Uşağı	Pərviz Şahbazov
Təltifləri

Oqtay Qəşəm oğlu Şahbazov 1941-ci il noyabrın 1-də İrəvan şəhərində anadan olmuşdur.

Orta məktəbi bitirdikdən sonra əmək fəaliyyətini 7 nömrəli Bakı Dövlət diyircəkli yastıq zavodunda cilalayıcı fəhlə kimi başlamışdır. 1959–1964-cü illərdə Azərbaycan Xarici Dillər Pedaqoji institutunda oxumuş, Azərbaycan və Alman dili müəllimi ixtisasına yiyələnmişdir. Əmək fəaliyyətini 126 nömrəli orta məktəbın alman dili müəllimi kimi davam etmişdir, sonra uzun illər S. M. Kirov adına Ali Xəzər Hərbi-dəniz Məktəbinin Xarici dillər kafedrasının alman dili müəllimi işləmişdir.

1980-ci ildən Azərbaycan SSR Nazirlər Sovetinin İşlər İdarəsində müxtəlif rəhbər vəzifələrində işləmiş, 1990-cı ildə Azərbaycan KP MK-nin İşlər müdiri vəzifəsinə təyin olunmuşdur. 1991-ci ildə XII çağırış Azərbaycan Respublikası Ali Sovetinin deputatı seçilmiş, fəal və səmərəli işinə görə Azərbaycan Respublikası Ali Sovetinin Fəxri fərmanı ilə təltif olunmuşdur. 1991-ci ildən Azərbaycan Respublikası Prezidentinin İşlər müdirinin birinci müavini, 2016-cı ildən 2021-ci ilin yanvarın 26-dək Azərbaycan Respublikası Prezidentinin İşlər müdiri vəzifəsində çalışıb.^[1]

Evlidir, iki övladı var.

• "Arxivlənmiş surət". 2018-03-23 tarixində arxivləşdirilib. İstifadə tarixi: 2018-03-16.