Rubail Əzimov (doğum adıyla: Rubail Rufulla oğlu Əzimov; d. 8 may 1988, Lənkəran) — Azərbaycan müğənnisi, aranjimançı
Rubail Azimov | |
---|---|
Rubail Rufulla oğlu Əzimov | |
Ümumi məlumatlar | |
Doğum adı | Rubail Əzimov |
Ləqəbi | Rubail Azimov |
Doğum tarixi | |
Doğum yeri | Lənkəran, Azərbaycan SSR, SSRİ |
Vətəndaşlığı |
SSRİ Azərbaycan |
Milliyyəti | azərbaycanlı |
Musiqiçi məlumatları | |
Fəaliyyəti | müğənni, aranjiman |
Fəaliyyət illəri | 1999—h.h |
Janr | pop |
Musiqi alətləri | piano, zərb alətləri |
Səs tembri | tenor |
Əlaqəsi | Aybəniz Haşımova |
Təhsili | Azərbaycan Milli Konservatoriyası |
Üzvlüyü | YAP |
Mükafatları | Pöhrə-99 laureatı |
Rubail Azimov 1988-ci il may ayının 8-də Lənkəran şəhərinin Vilvan kəndində anadan olmuşdur. 1995-1999-cu illər Bakı şəhəri Suraxanı rayonunun Hövsan qəsəbəsinin 281 saylı orta məktəbində, 1999-2006-cı illər Bülbül adına orta ixtisas Musiqi məktəbində Xanəndə sinfində təhsil almışdır. 2006-cı ildə Azərbaycan Milli Konservatoriyasının İfaçılıq fakültəsinə daxil olub və 2010-cu ildə Vokal ixtisası ilə təhsili bitirmişdir. [1]
Milli Konservatoriyada təhsil aldığı dövrdə Rubail musiqinin texniki sahəsinə - aranjimançılıq peşəsinə də maraq göstərmişdir və nəticədə bu sahədə bilgilərini möhkəmlədərək bir sıra görkəmli aranjimançılarla tanış olmuş, onlardan bu sənətin sirrlərinə yiyələnmişdir. 2010-cu ildə Konservatoriyanı bitirib, hərbi xidmətə yollanaraq, Naxçıvan Sərhəd Diviziyasının orkestrində xidmət etmişdir.
Evlidir. Bir qızı, bir oğlu var.
İlk dəfə 1999-cu ildə Pöhrə-99 müsabiqəsində iştirak etmişdir və həmin müsabiqənin laureatıdır.
İlk ifa etdiyi mahnı, 1999-c ildə öz bəstəsi və müəllifi olduğu "Azərbaycan" əsəri olmuşdur. 2008-ci ildə "Gəl" mahnısı, 2015-ci ildə "Qara gözlüm", 2017-ci ildə "Divanə", "Ayrı-ayrı", 2018-cu ildə "Eşq", 2019-cu ildə "Xəbərsiz", "Bitsin artıq", 2021-ci ildə "Bir gün o gələr", "Biri var" duetləri və "Sözüm var", "Yağışlar" və sair mahnılarını ifa edərək populyarlıq qazanmışdır. [2]
Bülbül adına musiqi məktəbinin fəal şagirdlərin iştirakı ilə Aybəniz Haşımovanın səhnə mədəniyyəti sinfi yaranır və qısa müddət içərisində bir zamanlar məşhurluq qazanmış "Aybəniz və Bülbüllər" qrupu yaranır. Qrupda Rubail bir çox tədbirlərdə, səhnələrdə çıxışlar etmişdir. 2002-ci ildə "Bülbüllər" qrupunun solo konsertində "Leyli və Məcnun" operasından bir parça hazırlayaraq Aybəniz Haşımova ilə tərəf müqabili kimi yaddan qalan "Məcnun" obrazını oynamışdır.
2003-cü ildən Bülbüllər qrupunun 2006-cı ilədək solist üzvü olmuşdur. [3]
2015-ci ildən professional solo karyerasına başlamışdır.
2017-ci ildə ilk "Divanə" adlı solo albomunu buraxmışdır. [4]
Alim Qasımov, Botır Qodirov, Aybəniz Haşımova, Xatirə İslam, Könül Kərimova kimi tanınmış müğənnilərlə işbirlikləri, duetləri olmuşdur. [5] [6]
Hal-hazırda solo karyersına davam etdirməkdədir. Bununla yanaşı öz səsyazma studiyasında Aranjmançı, Səs rejissoru kimi də fəaliyyət göstərir.
Bir sıra mahnıların söz müəllifi və bəstəkarıdır.
Bu məqalədəki istinadlar müvafiq istinad şablonları ilə göstərilməlidir. |