Rza Mahmudov

Rza Mahmudov Nadir oğlu-( d.1952-ci il yanvarın 23-də Gürcüstanın Qardabani rayonunun Kosalı kəndi) coğrafiya elmlər doktoru, professor.

Rza Mahmudov
Rza Mahmudov Nadir oğlu
Doğum tarixi	23 yanvar 1952 (72 yaş)
Doğum yeri	Gürcüstanın Qardabani rayonunun Kosalı kəndi
Vətəndaşlığı	Azərbaycan
Milliyyəti	azərbaycanlı
Atası	Nadir Mahmudov
Elmi dərəcəsi	professor
Elmi adları	coğrafiya elmlər doktoru,
İş yeri	Bakı Dövlət Universiteti
Təhsili	Azərbaycan Dövlət Universiteti
Tanınmış yetirməsi	Mətanət Musayeva

1952-ci il yanvarın 23 –də Gürcüstanın Qardabani rayonunun Kosalı kəndində anadan olmuşdur. 1956 –cı ildə Kosalı kənd orta məktəbinin birinci sinifinə getmiş və 1968 –ci ildə həmin məktəbi əla qiymətlərlə bitirmişdir. 1970 –ci ildə Azərbaycan Dövlət Universitetinin Geoloji-Coğrafiya fakultəsinə daxil olmuş, 1975 –ci ildə həmin fakultəni coğraf-hidroloq ixtisası üzrə ilk məzun kimi fərqlənmə diplomu ilə bitirmişdir. Tələbə dövründə elmə marağı böyük olmuş ictimai işlərdə xüsusi fəallıq göstərmişdir. Ilk elmi məqaləsi tələbə dövründə çıxmışdır. Moskva, Sank –Peterburq, Kiyev, Tbilisi, Düşənbə, Helsinki, Cenevrə, Paris, Varna Tehran, İstanbul, Bakı və s. şəhərlərdə hidrometeorologiyanın müxtəlif sahələri üzrə keçirilən Beynəlxalq konfrans, qurultay və konqreslərdə iştirak etmişdir.^[1]

1983 –cü ildə «Lənkəran ərazi çaylarının yağış –daşqın axım itkilərinin tədqiqi» mövzusunda namizədlik, 1997-ci ildə «Azərbaycanın dağ çaylarında axımın formalaşmasının təhlili və proqnozu» mövzusunda doktorluq dissertasiyalarını müdafiə etmişdir. 1991-ci ildə dosent, 2004-cü il yanvarın 23 –də professor elmi adlarını almışdır.Hidrometeorologiyanın müxtəlif sahələrinə dair 154 elmi məqalənin (bunlardan 34–ü beynəlxalq elmi jurnallarda, konfrans materiallarında, 3 məqalə isə Springer nəşriyyatı tərəfindən nəşri qəbul olunan jurnalda dərc edilmişdir) 6 monoqrafiyanın, 2 dərsliyin, 5 metodik vəsaitin, 6 elmi bukletin, 1 patentin (Neftlə çirklənmiş torpaqların təmizlənmə üsulu), 1 xəritənin, 4 publisistik elmi əsərin müəllifidir.

1. 2006, Azərbaycanda hidrometeoroloji xidmət və onun inkişaf perspektivləri
2. 2006, Qlobal iqlim dəyişmələri-səbəblər və təbii fəlakətlər
3. 2006, Радиолокационный прогноз селевых явлений на Южном склоне Большого Кавказа
4. 2008, Климатические изменение и их влияние на водные ресурсы Азербайджана^[2]

• 2006, Hidrometeorologiya,iqlim dəyişmələri, təbii fəlakətlər və həyat
• 2007, Azərbaycanda hidrometeoroloji xidmət son üç əsrdə
• 2008, Azərbaycanda hidrometeoroloji şərait və təhlükəli hidrometeoroloji hadisələr
• 2008, Azərbaycanın sel təhlükəli çaylarının kataloqu^[3]

• Nurəddin Uluxanlı

• Nəriman Paşayev

Rza Mahmudov