Siyavuş Novruzov

Bu məqalədəki məlumatların yoxlanıla bilməsi üçün əlavə mənbələrə ehtiyac var. Lütfən, məqaləyə etibarlı mənbələr əlavə edərək onu təkmilləşdirməyə kömək edin. Mənbəsiz məzmun problemlər yarada və silinə bilər. Problemlər həll edilməmiş şablonu məqalədən çıxarmayın. Daha ətraflı məlumat və ya məqalədəki problemlərlə bağlı müzakirə aparmaq üçün məqalənin müzakirə səhifəsinə diqqət yetirə bilərsiniz.

Siyavuş Dünyamalı oğlu Novruzov (17 fevral 1969, Cəhri, Naxçıvan rayonu) — Azərbaycan ictimai-siyasi xadimi, Azərbaycan Respublikası Milli Məclisinin II, III, IV, V, VI və VII çağırış deputatı (2000-ci ildən), Milli Məclisin Komitə sədri, hüquq elmləri üzrə fəlsəfə doktoru.

Siyavuş Novruzov
Azərbaycan Respublikası Milli Məclisinin deputatı
Vəzifədədir
24 noyabr 2000-ci ildən
Seçki dairəsi	II çağırış — proporsional III, IV, V və VI çağırış — 5 saylı Şahbuz–Babək VII çağırış — 2 saylı Şərur–Kəngərli
Yeni Azərbaycan Partiyası Gənclər Birliyinin sədri
1995 – 2005
Əvvəlki	Vəzifə təsis edildi
Sonrakı	Ramil Həsən
Şəxsi məlumatlar
Doğum tarixi	17 fevral 1969(1969-02-17) (55 yaş)
Doğum yeri	Cəhri, Naxçıvan rayonu, Naxçıvan MSSR, Azərbaycan SSR, SSRİ
Partiya	Yeni Azərbaycan Partiyası
Təhsili	Bakı Dövlət Universiteti
Fəaliyyəti	siyasətçi
Həyat yoldaşı	Səbinə Əliyeva
Təltifləri	2019 2017
Vikianbarda əlaqəli mediafayllar

Siyavuş Dünyamalı oğlu Novruzov 17 fevral 1969-cu ildə Naxçıvan Muxtar Respublikası Babək rayonu Cəhri qəsəbəsində anadan olmuşdur.^[1]

Siyavuş Novruzov sərbəst güləş üzrə idman ustasıdır. 10 yaşından profesional idmanla məşğuldur. Hərbçilər arasında keçirilən yarışın qalibi olub.

1990–1995-ci illərdə Bakı Dövlət Universitetinin Hüquq fakültəsini,1999–2002-ci illərdə Azərbaycan Respublikasının Prezidenti yanında Dövlət İdarəçilik Akademiyasının Dövlət və bələdiyyə idarəetməsi fakültəsini bitirmişdir. Hüquq üzrə fəlsəfə doktorudur.

1987–1990-cı illər SSRİ ordusunda xidmət etmişdir. 1990–1993-cü illərdə Qarabağ uğrunda gedən döyüşlərdə, həmçinin Sədərək döyüşlərində fəal iştirak etmişdir. Qarabağ müharibəsi veteranıdır.

Azərbaycan Respublikası Prezidentinin 18 noyabr 2017-ci il tarixli Sərəncamı ilə Azərbaycan Respublikasının ictimai-siyasi həyatında fəal iştirak etdiyinə görə 1-ci dərəcəli "Vətənə xidmətə görə" ordeni ilə təltif olunub. 16 fevral 2019-cu ildə Azərbaycan Respublikasının ictimai-siyasi həyatında fəal iştirakına görə "Şöhrət" ordeni ilə təltif olunmuşdur.^[2]

Ailəlidir. Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyevanın həyat yoldaşıdır. İki övladı vardır.

80-ci illərin sonlarından siyasətə qoşulan Siyavuş Novruzov "Əlincə" Xeyriyyə Cəmiyyətində fəaliyyətini davam etdirib.^[3] 1990-cı ildən "Əlincə" Xeyriyyə Cəmiyyətinin şöbə rəisi, məsul katibi işləmişdir. 1994–1999-cu illərdə Yeni Azərbaycan Partiyası Mərkəzi Aparatının İşlər müdiri, Təşkilat şöbəsinin müdiri vəzifələrində çalışmış, 1995–2005-ci illər Yeni Azərbaycan Partiyası Gənclər Birliyinin sədri olmuşdur.

2000-ci ildə ikinci çağırış Milli Məclisə proporsional seçki sistemi ilə çoxmandatlı seçki dairələri üzrə YAP-ın vahid seçki siyahısında 3-cü yerdə deputat seçilmişdir. 2005, 2010, 2015, 2020-ci illərdə isə majoritar qaydada 5 saylı Şahbuz-Babək seçki dairəsindən millət vəkili seçilib. O, uzun müddət Milli Məclisin İntizam Komissiyasının sədri, İctimai Birliklər və Dini Qurumlar Komissiyasının sədri işləmiş, hal-hazırda isə Milli Məclisin Regional məsələlər üzrə iş komitəsinin sədridir.

2024-cü il oktyabrın 8-də Azərbaycan - Moldova parlamentlərarası əlaqələr üzrə işçi qrupunun rəhbəri seçilib.^[4]

Azərbaycan Respublikasının dövlət təltifləri

• "Şöhrət" ordeni — 16 fevral 2019
• 1-ci dərəcəli "Vətənə xidmətə görə" ordeni — 18 noyabr 2017
• "Heydər Əliyevin 100 illiyi (1923–2023)" yubiley medalı — 2 fevral 2024
• "Azərbaycan Xalq Cümhuriyyətinin 100 illiyi (1918–2018)" yubiley medalı — 27 may 2019
• "Azərbaycan Ordusunun 100 illiyi (1918–2018)" yubiley medalı — 8 sentyabr 2018
• "Azərbaycan Polisinin 100 illiyi (1918–2018)" yubiley medalı — 5 iyul 2018
• "Azərbaycan Respublikası diplomatik xidmət orqanlarının 100 illiyi (1919–2019)" yubiley medalı — 9 iyul 2019
• "Azərbaycan Respublikası milli təhlükəsizlik orqanlarının 95 illiyi (1919–2014)" yubiley medalı — 7 aprel 2014
• "Azərbaycan Respublikası milli təhlükəsizlik orqanlarının 90 illiyi (1919–2009)" yubiley medalı — 26 mart 2009
• "Azərbaycan Sərhəd Mühafizəsinin 100 illiyi (1919–2019)" yubiley medalı — 14 avqust 2019
• "Bakı Dövlət Universitetinin 100 illiyi (1919–2019)" yubiley medalı — 22 oktyabr 2019

Digər orden və medallar

• "General Cəmşid Naxçıvanski" yubiley medalı — 27 noyabr 2016 (Azərbaycan Respublikası Veteranlar Təşkilatı)^[5]
• "Fədai" medalı — 11 noyabr 2016 ("Azərbaycan Qarabağ Müharibəsi Əlilləri, Veteranları və Şəhid Ailələri" İctimai Birliyi)^[5]
• "Vətən naminə" medalı — 11 noyabr 2016 ("Azərbaycan Qarabağ Müharibəsi Əlilləri, Veteranları və Şəhid Ailələri" İctimai Birliyi)^[5]
• "Azərbaycan Vətən müharibəsi Veteranları İctimai Birliyi — 25 il" medalı — 10 oktabr 2019 ("Azərbaycan Vətən müharibəsi" Veteranları İctimai Birliyi)^[5]
• "Əfqanıstanda döyüş əməliyyatlarının bitməsinin 25 illik xatirəsinə" medalı — 28 yanvar 2014 (Səfərbərlik və Hərbi Xidmətə Çağırış üzrə Dövlət Xidməti)^[5]
• "Sovet qoşunlarının Əfqanıstandan çıxarılmasının 20 illiyi" medalı^[5]
• "Vətənə sədaqət ordeni" — 14 sentyabr 2016 ("Rusiya Federasiyasının Silahlı Qüvvələrin Veteranlar" Ümum-Rusiya İctimai Birliyi)^[5]
• "Vətənə xidmət ordeni" — 1 may 2015-ci ildə (Əfqanıstan Veteranlarının Rusiya Birliyi)^[5]
• "Əfqanıstan müharibəsi veteranı" medalı — 26 iyun 2012 ("Əfqanıstanın Veteranlarının Rusiya İttifaqı" Ümum-Rusiya İctimai Təşkilatı)^[5]
• "Sovet qoşunlarının Əfqanıstandan çıxarılmasının 25 illiyi" medalı — 15 fevral 2014^[5]
• "Döyüş qardaşlığı — veteranlar təşkilatı qarşısında xidmətlərinə görə" medalı — 2 fevral 2017^[5]
• "Vətən qarşısında xidmətlərə görə" medalı — 15 fevral 2017 (Əfqanıstanın Veteranlarının Rusiya İttifaqı)^[5]