Tahir Rasizadə

Bu məqalədəki məlumatların yoxlanıla bilməsi üçün əlavə mənbələrə ehtiyac var. Lütfən, məqaləyə etibarlı mənbələr əlavə edərək onu təkmilləşdirməyə kömək edin. Mənbəsiz məzmun problemlər yarada və silinə bilər. Problemlər həll edilməmiş şablonu məqalədən çıxarmayın. Daha ətraflı məlumat və ya məqalədəki problemlərlə bağlı müzakirə aparmaq üçün məqalənin müzakirə səhifəsinə diqqət yetirə bilərsiniz.

Bu məqaləni vikiləşdirmək lazımdır. Lütfən, məqaləni ümumvikipediya və redaktə qaydalarına uyğun şəkildə tərtib edin.

Tahir Məhəmməd oğlu Rasizadə (1907, Naxçıvan – 1942, Krım, Krım MSSR) — Azərbaycan kənd təsərrüfatı mütəxəssisi, şair. Azərbaycan Respublikasının baş naziri Artur Rasi-zadənin atası.

Tahir Rasizadə
Tahir Məhəmməd oğlu Rasizadə
Doğum tarixi	1907
Doğum yeri	Naxçıvan, Naxçıvan qəzası, İrəvan quberniyası, Rusiya imperiyası
Vəfat tarixi	1942
Vəfat yeri	Krım yarımadası
Vəfat səbəbi	İkinci dünya müharibəsi
Vətəndaşlığı	Rusiya imperiyası AXC SSRİ
Həyat yoldaşı	Tamara-xanım Rasizadə
Uşaqları	Artur, Tamilla Rasizadələr
Atası	Məhəmməd Rasizadə
İxtisası	aqronom
Təhsili	kənd təsərrüfatı institutu
Fəaliyyəti	şairlik, müəllimlik

Tahir Şeyx Məhəmməd oğlu Rasizadə 1907-ci ildə Naxçıvan şəhərində anadan olmuşdur. Orta təhsilini Naxçıvanda almışdır.

Əmisi Hüseyn Cavidin dərs dediyi Bakı darülmüəlliminini, sonra isə Azərbaycan Kənd Təsərrüfatı İnstitutunun aqronomluq fakültəsini bitirmişdir. Bir müddət Gəncədə işlədikdən sonra Lənkəran subtropik bitkilər texnikumunun direktor müavini təyin edilmişdir.

Şairlik təbi olmuş, ilk şeirlərini darülmüəllimində oxuyarkən yazmışdır. Müntəzəm surətdə bədii yaradıcılıqla da məşğul olmuşdur. Şerləri romantik vüsəti, dilinin axıcılığı, ahəngdarlığı, obrazların və ifadə tərzinin yeniliyi ilə seçilir. Bundan başqa Tahir Rasizadə pyeslər də yazmışdır.

"İki dünya" poemasında bəşəriyyətə fəlakət gətirən "hərb allahına", "qan püskürən", "ölüm şahına" lənətlər yağdırır, faşizmin yaratdığı xarabazarlıqların onun özünün "əbədi məzarına" çevriləcəyini inamla bildirirdi. 1942-ci ildə Böyük Vətən müharibəsində, Kerç uğrunda döyüşdə həlak olmuşdur.

• Görkəmli naxçıvanlı Şeyx Məhəmməd Rasizadənin oğludur.
• Azərbaycan Respublikasının baş naziri Artur Rasizadənin atasıdır.
• Azərbaycanın böyük ədibi Hüseyn Cavidin qardaşı oğludur.^[1]