Artur Rasi-zadə

Artur Tahir oğlu Rasizadə (26 fevral 1935, Kirovabad) — Azərbaycan Respublikasının 6-cı Baş naziri; İslah-əmək Müəssisələrinin və İstintaq Təcridxanalarının İşinin Təkmilləşdirilməsi Sahəsində Kompleks Tədbirlərin Həyata Keçirilməsi üzrə Prezident yanında Komissiyanın sədri (11.02.1999 — h. h.)

Artur Rasizadə
Azərbaycan Respublikasının 8-ci Baş naziri
31 oktyabr 2003 – 21 aprel 2018
Prezident	İlham Əliyev
Əvvəlki	İlham Əliyev
Sonrakı	Novruz Məmmədov
26 noyabr 1996 – 4 avqust 2003
Əvvəlki	Fuad Quliyev
Sonrakı	İlham Əliyev
Azərbaycan Respublikası Baş nazirinin birinci müavini
4 avqust 2003 – 4 noyabr 2003
Baş nazir	İlham Əliyev
3 may 1996 – 26 noyabr 1996
Baş nazir	Fuad Quliyev
22 may 1991 – 16 may 1992
Baş nazir	Həsən Həsənov Feyruz Mustafayev (i. e.)
Azərbaycan Respublikası Prezidentinin köməkçisi
15 fevral 1996 – 25 noyabr 1996
Prezident	Heydər Əliyev
Azərbaycan Respublikası Nazirlər Soveti sədrinin birinci müavini
14 yanvar 1986 – 22 may 1991
Sədr	Həsən Seyidov Ayaz Mütəllibov Həsən Həsənov
5 fevral 1991-ci ilədək Azərbaycan SSR Nazirlər Soveti sədrinin birinci müavini kimi
Şəxsi məlumatlar
Doğum tarixi	26 fevral 1935(1935-02-26) (89 yaş)
Doğum yeri	Kirovabad, Azərbaycan SSR, ZSFSR, SSRİ
Partiya	Sovet İttifaqı Kommunist Partiyası (1968–1991), Yeni Azərbaycan Partiyası
Təhsili	Azərbaycan Sənaye İnstitutu (–1957)
Fəaliyyəti	siyasətçi, mühəndis, diplomat
Atası	Tahir Rasizadə
Dini	islam
Təltifləri	2005 2010 2015 2020 1971
Vikianbarda əlaqəli mediafayllar

Artur Rasizadə 26 fevral 1935-ci ildə Gəncə şəhərində anadan olmuşdur. 1952-ci ildə Lənkəran şəhər 4 №-li orta məktəbi bitirmişdir. Əslən Naxçıvan Muxtar Respublikasındandır.

İş fəaliyyətinə 1957-ci ilə Azərbaycan Sənaye İnstitutunu bitirdikdən sonra əmək fəaliyyətinə Azərbaycan Neft Maşınqayırması ETİ "AzİNMAŞ"-da mühəndis vəzifəsində başlamış, sonradan böyük mühəndis, layihənin baş mühəndisi, şöbə müdiri, elmi işlər üzrə direktorun müavini vəzifələrində işləmişdir.

1973–1975-ci illərdə "Azneftsənayemaş" birliyində baş mühəndis, 1975–1977-ci illərdə "İttifaqneftmaş" EİB rəisinin birinci müavini-baş mühəndis, 1977–1978-ci illərdə "AzİNMAŞ" Neft maşınqayırması ETİ-nin direktoru olmuşdur.

1978–1981-ci illərdə Azərbaycan SSR Dövlət Plan Komitəsi sədrinin müavini, 1981–1986-cı illərdə AKPMK-də maşınqayırma şöbəsinin müdiri, 1986–1992-ci illərdə Azərbaycan Respublikası Nazirlər Soveti Sədrinin birinci müavini (sonradan Azərbaycan Respublikası Baş nazirinin birinci müavini) vəzifələrində olmuşdur. 1992–1994-cü illərdə İqtisadi İslahatlar Fondunun məsləhətçisi, 1994-cü ildə "DEKA-B" şirkətində məsləhətçi, 1994–1996-cı illərdə İqtisadi Islahatlar Fondunda məsləhətçi vəzifəsində işləmişdir.

1996-cı ildə Azərbaycan Respublikası Prezidentinin iqtisadi məsələlər üzrə köməkçisi təyin edilmişdir.

1996-cı ilin may ayından Azərbaycan Respublikası Baş Nazirinin birinci müavini, 1996–2003-cü illərdə Baş nazir, 2003-cü ilin avqust–noyabr aylarında Baş nazirin birinci müavini vəzifələrində işləmişdir.

2003-cü ilin noyabr ayından 21 aprel 2018-ci ilədək yenidən Azərbaycan Respublikasının Baş naziri olmuşdur.

• Artur Rasizadə kənd təsərrüfatı mütəxəssisi, şair Tahir Rasizadənin oğlu, Azərbaycanlı ədib Hüseyn Cavidin qardaşı nəvəsidir.^[1]

• "İstiqlal" ordeni^[2]
• "Şərəf" ordeni^[3]
• "Şöhrət" ordeni^[4]
• 1-ci dərəcəli "Vətənə xidmətə görə" ordeni^[5]
• SSRİ Dövlət mükafatı laureatı
• "Şərəf nişanı" ordeni
• "Fəxri legion" ordeni kavaleri
• "Xalqlar dostluğu" ordeni

• Artur Rasizadənin bioqrafiyası — adam.az Arxivləşdirilib 2011-11-18 at the Wayback Machine

Vikianbarda Artur Rasizadə ilə əlaqəli mediafayllar var.