Vüqar Alkərəmov
Vüqar Oruc oğlu Alkərəmov — polkovnik-leytenant.
| Vüqar Alkərəmov | |
|---|---|
| Doğum tarixi | 26 fevral 1969 (55 yaş) |
| Doğum yeri | |
| Vətəndaşlığı |
 Azərbaycan |
| Milliyyəti | azərbaycanlı |
| İxtisası | Hüquqşünas |
| Təhsili | Bakı Dövlət Universiteti |
| Mükafatları |
     [1] |
Həyatı
[redaktə | mənbəni redaktə et]Vüqar Alkərəmov 26 fevral 1969-cu il tarixdə Beyləqan rayonunun Bahar qəsəbəsində anadan olub.
1976-cı ildə Bahar qəsəbəsi orta məktəbinin 1-ci sinfinə gedib, 1986-cı ildə həmin məktəbi bitirib. 1987-ci ildə hərbi xidmətə çağırılıb Hərbi xidmətini İrkutsk şəhəri N saylı hərbi hissədə keçib. 1989-cu ilin may ayında tərxis olunub.
1989-cu ilin oktyabr ayında Azərbaycan İnşaat Mühəndisləri Universitetinin hazırlıq kursuna qəbul edilib. 1990-cı ildə Azərbaycan İnşaat Mühəndisləri Universitetinin “Sənaye və Mülki Tikinti” fakültəsinə qəbul olub, 1995-ci ildə həmin universiteti inşaat mühəndisi ixtisası ilə bitirib 1998-ci ildə Bakı Dövlət Universitetinin “Hüquq” fakültəsinə qəbul olub, 2002-ci ildə həmin universiteti hüquqşünas ixtisası ilə bitirib[2].
Ailəsi
[redaktə | mənbəni redaktə et]Ailəlidir, 2 (iki) övladı var.
Əmək fəaliyyəti
[redaktə | mənbəni redaktə et]- 1986-cı ildə Beyləqan rayon təmir-tikinti idarəsində işləməyə başlayır. 1989-cu ildə Hərbi xidmətdən sonra Beyləqan rayon təmir-tikinti idarəsində yenidən işə qəbul edilir.
- 1995-ci ilin fevral ayında Azərbaycan Respublikası Xüsusi Dövlət Mühafizə Xidmətində (XDMX) işə qəbul olunub.
- 2017-ci ilin may ayında polkovnik-leytenant rütbəsində Xüsusi Təyinatlı Dəstənin qrup komandiri kimi təqaüdə çıxıb. İş fəaliyyəti zamanı müxtəlif vəzifələrdə çalışıb[2].
Mükafatları
[redaktə | mənbəni redaktə et]- “Hərbi xidmətlərə görə” medalı[1]
- “Qüsursuz xidmətə görə” 1-ci dərəcəli medalı
- “Qüsursuz xidmətə görə” 2-ci dərəcəli medalı
- “Hərbi xidmətdə fərqlənməyə görə” 3-cü dərəcəli medalı
- “Qüsursuz xidmətə görə” 3-cü dərəcəli medalı
- “Azərbaycan Respublikası Xüsusi Dövlət Mühafizə Xidmətinin 25 illiyi” (1993-2018) yubiley medalı
- “Azərbaycan Respublikası Xüsusi Dövlət Mühafizə Xidmətinin 20 illiyi” (1993-2013) yubiley medalı
- “Azərbaycan Respublikası Xüsusi Dövlət Mühafizə Xidməti-15 il” yubiley döş nişanı
- “Azərbaycan Respublikası Silahlı Qüvvələrinin 90 illiyi (1918-2008)” yubiley medalı
- “Döyüş xidmətində və döyüş hazırlığında yüksək göstəricilərə nail olduğuna görə və Xüsusi Dövlət Mühafizə Xidmətinin yaradılmasının 11-ci ildönümü münasibəti ilə” Fəxri Fərmanı[2]
İstinadlar
[redaktə | mənbəni redaktə et]- ↑ 1 2 "Azərbaycan Respublikası Xüsusi Dövlət Mühafizə Xidmətinin hərbi qulluqçularının təltif edilməsi". president.az. 29 yanvar 2020 tarixində arxivləşdirilib.
- ↑ 1 2 3 "Polkovnik-leytenant Vüqar Alkərəmov". archive-it. Archived from the original on 2020-01-29.