Xəlil Vədad Uşaqlıgil (türk. Halil Vedad Uşaklıgil; 1904, İstanbul – 1937, Tirana) — Türkiyə diplomatı.
| Vədad Uşaqlıgil | |
|---|---|
| Şəxsi məlumatlar | |
| Doğum tarixi | 1904 |
| Doğum yeri | |
| Vəfat tarixi | 1937 |
| Vəfat yeri | |
| Vəfat səbəbi | Həddindən artıq doza[d] |
| Təhsili | |
| Fəaliyyəti | diplomat |
| Atası | Halit Ziya Uşaklıgil |
1904-cü ildə İstanbulda yazıçı Xalid Ziya Uşaqlıgil və Fatma Məmnunə Uşaqlıgilin övladı olaraq anadan olmuşdur. Ondan əvvəl doğulan bacı-qardaşları Vədidə, Sadun, Güzin vəfat etmişdir. Ondan Bihin adlı bacısı və Bülənd adlı qardaşı qalmışdır. Qardaşı Bülənd Uşaqlıgil də onun kimi diplomat olmuşdur.[1]
Birinci Dünya müharibəsindən sonra ailəsi ilə birlikdə Avropanın bir çox şəhərlərini gəzən Vədad xüsusilə Bern və Parisdə yaşayırdı. Mustafa Kamalın əmri ilə işlədiyi Osmanlı Bankından Xarici İşlər Nazirliyinə köçürülmüşdür.[2] Lətifə xanım onun əmisi qızı idi və o, fortepiano istedadı sayəsində Mustafa Kamalla tanış olmaq imkanı qazanmışdı. O, Londonda yerləşdirilmişdi. Xarici İşlər Nazirliyindən vəzifəsindən azad edilyii dövrdə onun psixologiyası pisləşib və bu müddətdə İstanbul Universitetinin Hüquq fakültəsini bitirmişdir.[3] Xarici İşlər Nazirliyində vəzifəsinə qayıdandan sonra Buxarest və Tirana səfirliklərinə işə göndərilmişdir.
O, 3 dekabr 1937-ci ildə Albaniya krallığının paytaxtı Tiranada baş katib vəzifəsində işləyərkən içdiyi dərmanlar nəticəsində intihar etmişdir.[1][4] Bir iddiaya görə, o, intihar etməmiş və sui-qəsdə məruz qalmışdır. Vədad Uşaqlıgil 19 dekabr 1937-ci ildə İstanbulda dəfn olunmuşdur.[5]