Vladimir Astapovski

Vladimir Aleksandroviç Astapovski (rus. Влади́мир Алекса́ндрович Аста́повский; 16 iyul 1946[1], Bryansk, RSFSR, SSRİ – 12 aprel 2012[2], Moskva) — qapıçı mövqeyində çıxış etmiş sovet futbolçusu. SSRİ milli futbol komandasının keçmiş üzvü. Beynəlxalq dərəcəli SSRİ idman ustası (1976). Rusiyanın Əməkdar İdman Ustası (2003).

Vladimir Astapovski
rus. Владимир Астаповский
Ümumi məlumatlar
Doğum tarixi 16 iyul 1946(1946-07-16)[1]
Doğum yeri
Vəfat tarixi 12 aprel 2012(2012-04-12)[2] (65 yaşında)
Vəfat yeri
Dəfn yeri
Vətəndaşlığı
Boyu 186 sm[3]
Çəkisi 82 kq[3]
Mövqeyi qapıçı
Karyerası
Gənclik karyerası
SSRİ Dinamo Bryansk
1963—1964 SSRİ Neftyanik Bakı
Klub karyerası[* 1]
1966—1968 SSRİ SKÇF 37 (0)
1969—1980 SSRİ MOİK Moskva 226 (0)
1981—1982 SSRİ SKA-Xabarovsk 19 (0)
Milli yığma[* 2]
1975—1976 SSRİ SSRİ (olimpiya) 6 (0)
1975—1977 SSRİ SSRİ 11 (0)
Təltif və medalları
Olimpiya Oyunları
Bürünc Monreal 1976 futbol
Təltif və medalları
"Əməkdə fərqlənməyə görə" medalı
  1. ↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
  2. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.

Klub karyerası

[redaktə | mənbəni redaktə et]

Vladimir Astapovski 16 iyul 1946-cı ildə Bryansk şəhərində anadan olub.[4] Futbolla məşğul olmağa uşaq yaşlarından elə orada — "Dinamo Bryansk" komandasının alt yaş qruplarında çıxış etməklə başlayıb.[4][5] İlk məşqçisi İosif Moçanis olub.[6]

Uşaqlıqdan dənizçi olmaq arzusunda olan Astapovski, 1960-cı illərin ortalarında Bakıya gedib və dənizçilik məktəbində təhsil almağa başlayıb.[5] Buradakı təhsili ilə paralel olaraq "Neftyanik" klubunun futbol məktəbində bu oyunun sirrlərinə yiyələnməyə çalışıb.[7] 1964-cü ildə o, artıq gənclərdən ibarət Azərbaycan SSR komandasında oynayır, həmçinin "Neftyanik"in heyətində gənclərin ümumittifaq yarışlarında mübarizə aparırdı.[5][7]

1965-ci ildə ordu sıralarına çağırılıb. SSRİ Hərbi Dəniz Qüvvələrinin Qara Dəniz Donanmasının tərkibində olan torpedo katerində xidmət edib.[4][7][5] Bir il sonra Qara Dəniz Donanması çempionatında iştirak etmək üçün qapıçıya ehtiyac yarandığından, Astapovskini müvəqqəti olaraq sahilə köçürüblər.[5] Burada çıxış etdiyi zaman onu Sevastopolun "SKÇF" klubunda baş məşqçi işləyən Vladimir Nikanorov görüb və klubuna dəvət edib.[5][4][7] Nikanorov tezliklə klubu tərk etsə də, Astapovski orada qalmış və 1968-ci ildə əsas komandanın heyətində debüt etmişdir.[5]

1969-cu il mövsümünün əvvəlində Moskvanın "MOİK" klubuna keçib. Ordu klubunun heyətində Yuri Pşeniçnikov və Leonid Şmuts kimi təcrübəli qapıçılar olduğundan, ilk mövsümdə heç bir oyunun iştirak ərizəsinə salınmayıb.[5][7] "MOİK"in heyətində ilk rəsmi oyununu 8 mart 1970-ci ildə, SSRİ çempionatı çərçivəsində "Şaxtyor Donetsk"ə qarşı keçirib.[4][8] Mövsümün sonunda "MOİK"in heyətində SSRİ çempionu adını qazanıb. Əsasnaməyə görə mövsüm ərzində keçirilən oyunların minimum 50 faizində iştirak etmiş oyunçulara medal verildiyindən, Astapovskiyə medal təqdim olunmayıb (32 mümkün oyundan 9-da oynayıb).[5][9] 1980-ci ildə Oleq Bazileviçin "MOİK"ə baş məşqçi təyin olunmasından sonra komandanı tərk edib.[4]

1981-1982-ci illərdə Xabarovskun "SKA" klubunda forma geyinib. Buradakı çıxışı zamanı ciddi heç nə ilə yadda qalmayan qapıçı, 36 yaşında peşəkar futbolçu karyerasını başa vurub.[4][5][10]

Milli karyerası

[redaktə | mənbəni redaktə et]

1975-1976-cı illərdə SSRİ Olimpiya yığma komandasının heyətində 6 oyun keçirib. Yığma ilə birlikdə Monreal-1976 Yay Olimpiya Oyunlarının bürünc medalına yiyələnib.[5][11]

29 noyabr 1975-ci ildə Rumıniya milli komandasına qarşı keçirilmiş yoldaşlıq oyununda SSRİ milli komandasının heyətində debüt edib. 1975–1977-ci illər aralığında formasını geyindiyi SSRİ milli komandasının heyətində ümumilikdə 11 oyun keçirib.[11]

Şəxsi həyatı

[redaktə | mənbəni redaktə et]

Qalina adlı xanımla ailə həyatı qurub. Bu evlilikdən Tatyana və Viktoriya adında iki qızı olub.[4]

Vəfatı

[redaktə | mənbəni redaktə et]
Xarici şəkil
Astapovskinin Xovan qəbiristanlığında məzarı.

Son illər xəstəlikdən əziyyət çəkən Astapovski, 2012-ci il aprelin 12-də Moskvada vəfat edib.[12] Xovan qəbiristanlığında dəfn edilib.[13]

Nailiyyətləri

[redaktə | mənbəni redaktə et]

Komanda

[redaktə | mənbəni redaktə et]

MOİK

SSRİ Olimpiya yığma komandası

Şəxsi

[redaktə | mənbəni redaktə et]
  • SSRİ-də ilin futbolçusu: 1976
  • SSRİ-də mövsümün ən yaxşı 33 oyunçusu siyahısında: № 1 (1976), № 2 (1975)
  • Lev Yaşin adına "İlin qapıçısı" mükafatı: 1976

Dövlət mükafatları

[redaktə | mənbəni redaktə et]
  • Beynəlxalq dərəcəli SSRİ idman ustası: 1976
  • Rusiyanın Əməkdar İdman Ustası: 2003

İstinadlar

[redaktə | mənbəni redaktə et]
  1. ↑ 1 2 Vladimir Astapovskiy // Transfermarkt (çd.). 2000.
  2. ↑ 1 2 Не стало Владимира Астаповского. Новости. Официальный сайт РФС (rus.).
  3. ↑ 1 2 3 Olympedia (ing.). 2006.
  4. ↑ 1 2 3 4 5 6 7 8 "Астаповский Владимир Александрович". Sevastopol.su. 2024-05-27 tarixində arxivləşdirilib. İstifadə tarixi: 2024-05-27.
  5. ↑ 1 2 3 4 5 6 7 8 9 10 11 "Легенды". Pfc-cska.com. 2024-05-27 tarixində arxivləşdirilib. İstifadə tarixi: 2024-05-27.
  6. ↑ "Бронза на вес золота". 2012-07-30 tarixində arxivləşdirilib. İstifadə tarixi: 2012-04-13.
  7. ↑ 1 2 3 4 5 Валерий Винокуров. "Владимир Астаповский. Морская душа вратаря (1977)". 2012-06-08 tarixində arxivləşdirilib. İstifadə tarixi: 2012-04-15.
  8. ↑ "ЦСКА Москва - «Шахтёр» Донецк - 2:0". Footballfacts.ru. 2023-09-19 tarixində arxivləşdirilib. İstifadə tarixi: 2024-05-30.
  9. ↑ "Астаповский Владимир Александрович". Footballfacts.ru. 2023-11-21 tarixində arxivləşdirilib. İstifadə tarixi: 2024-05-30.
  10. ↑ Дмитрий Иголинский. Владимир Бычек: «А в награду нас всех послали… в Мозамбик» Arxivləşdirilib 2016-08-06 at the Wayback Machine // Тихоокеанская звезда, 29.10.2002.
  11. ↑ 1 2 "Владимир АСТАПОВСКИЙ". Rusteam.su. İstifadə tarixi: 2024-05-31.
  12. ↑ Как жизнь? Arxivləşdirilib 2021-07-17 at the Wayback Machine // Советский спорт, 06 сентября 2011.
  13. ↑ "Хроника". // Спорт-Экспресс. 2012-04-14. 2012-04-17 tarixində arxivləşdirilib. İstifadə tarixi: 2012-04-16.

Xarici keçidlər

[redaktə | mənbəni redaktə et]