Yevgeni Rudakov (futbolçu)

Yevgeni Vasiliyeviç Rudakov (ukr. Євген Васильович Рудаков, 2 yanvar 1942, Moskva – 21 dekabr 2011^[1], Kiyev) — Sovet və rusiya əsilli ukraynalı futbolçu, qapıçı. SSRİ beynəlxalq dərəcəli idman ustası (1973). SSRİ-nin əməkdar idman ustası (1973).

Yevgeni Rudakov
ukr. Євген Васильович Рудаков
Ümumi məlumatlar
Doğum tarixi	2 yanvar 1942(1942-01-02)
Doğum yeri	Moskva, RSFSR, SSRİ
Vəfat tarixi	21 dekabr 2011(2011-12-21)[1] (69 yaşında)
Vəfat yeri	Kiyev, Ukrayna
Dəfn yeri	Baykovo qəbiristanlığı
Vətəndaşlığı	SSRİ→ Ukrayna
Boyu	190
Çəkisi	75 kq[2]
Mövqeyi	Qapıçı
Karyerası
Gənclik karyerası 1957–1959 Torpedo Moskva Klub karyerası[* 1] 1960 Torpedo Moskva 1961–1962 Sudostroitel Mykolayiv 1962–1977 Dinamo Kiyev 297 (-205) Milli yığma[* 2] 1968–1976 SSRİ milli futbol komandası 42 (-29) 1972 SSRİ U-21 milli futbol komandası 6 (-6) Məşqçisi olduğu klublar 1979 Spartak İ-F 1980–1990 Zmina Kiyev 1994 Kremen Kremençuk
Təltif və medalları
Yay Olimpiya Oyunları Bürünc 1972 Münhen UEFA Avropa Çempionatı Gümüş Avro 1972 Dövlət təltifləri
↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.
Vikianbarda əlaqəli mediafayllar

Yevgeni Rudakov 2 yanvar 1942-ci ildə Moskvada anadan olmuş, 17 yaşında Torpedo Moskvanın gənclər komandasına yazılmış və dublla 2-ci yeri qazandı. Komandada güclü qapıçıların olması ilə əlaqədar olaraq 1961-ci ildə Nikolayev təmsilçisi Sudostroitel Mykolayivda oynamağa başladı. 1963-cü ildə Kiyev təmsilçisi Dinamo Kiyevə qoşuldu və 1964-1977-ci illərdə bu klubda oynadı.

Kiyev Dinamosu ilə 7 dəfə SSRİ çempionu olan Rudakov, eyni zamanda komandasının 3 dəfə SSRİ Kuboku qazanmasında da mühüm rol oynadı. Həmçinin Yevgeni komandasına 1974-75 mövsümündə UEFA Kuboklar Kubokunun və 1975-ci il UEFA Superkubokunu qazanmasına da kömək etdi.

Bundan əlavə SSRİ milli futbol komandasının heyətində 42 matç keçirmişdir. SSRİ yığması ilə 1972-ci ilin Futbol üzrə Avropa çempionatında finalına vəsiqə qazanmağlarına baxmayaraq final matçında Qərbi Almaniyaya 0-3 hesabı ilə məğlub olub gümüş medal qazandı. Milli komandadakı yoldaşları Revaz Dzodzuaşvili və Murtaz Xurtsilava ilə birlikdə çempionatın rəmzi komandasına daxil edildilər. Həmin rəmzi komandaya onlarla yanaşı - Frans Bekkenbauer, Paul Braytner, Uli Xöness, Günter Netzer, Herbert Vimmer, Raul Lamber, Yupp Haynkes və Gerd Müller daxil edilmişdi.

O cümlədən SSRİ Olimpiya komandası ilə 6 oyuna çıxan Rudakov 1972 Yay Olimpiya Oyunlarında bürünc medal qazanmışdı.

Rudakov 1971-ci ildə SSRİ-də ilin futbolçusu, 1969, 1971 və 1972-ci illərdə SSRİ-nin ən yaxşı qapıçısı seçildi. Eyni zamanda 1971 və 1972-ci illərdə Qızıl topu qazanmaq uğrunda mübarizə aparmışdır.

Məşqçi kimi Spartak İ-F, 1980-ci illərdə Kiyevdəki Zmina klubunda, 1990-cı illərdə idman internat məktəbində, sonra V. Lobanovski adına Kiyevin Dinamo gənclər məktəbində çalışmışdır.

21 dekabr 2011-ci ildə Ukraynanın paytaxtı Kiyevdə vəfat etmişdir.