Yevgeniya Qomon

Yevgeniya Yevgeniyevna Qomon (25 mart 1995, Zaporojya) — Ukraynanı təmsil edən bədii gimnast. Yevgeniya Qomon 2012 və 2016-cı ildə Ukraynanı Olimpiya Oyunlarında təmsil etdi. Qomon həm də I Avropa Oyunlarında bir gümüş və bir bürünc medal, Universiada Oyunlarında isə bir qızıl, üç gümüş və iki bürünc medal qazanıb.

Yevgeniya Qomon
ukr. Євгенія Євгенівна Гомон
Şəxsi məlumatlar
Vətəndaşlığı	Ukrayna
Doğum tarixi	25 mart 1995(1995-03-25) (29 yaş)
Doğum yeri	Zaporojya, Zaporojya vilayəti, Ukrayna
Boyu	174 sm[1]
Çəkisi	55 kq[1]
İdman növü	bədii gimnastika
Medallar Dünya Çempionatı Bürünc 2013 Kiyev 10 gürz Avropa Oyunları Gümüş 2015 Bakı 5 lent Bürünc 2015 Bakı 6 gürz/2 həlqə Dövlət təltifləri
19 oktyabr 2016 tarixində yenilənib.

Yevgeniya Qomon birinci dəfə Olimpiya Oyunlarına 2012-ci ildə qatıldı. London şəhərində baş tutan yarışlarda o, komanda yoldaşları ilə birgə 54.375 xal topladı və 5-ci yeri tutdu.

Yevgeniya Qomon 2016-cı ildə Ukrayna bayrağı altında Braziliyanın Rio-de-Janeyro şəhərində XXXI Yay Olimpiya Oyunlarına qatıldı. O, qrup yarışlarında komanda yoldaşları Olena Dmitraş, Oleksandra Qridasova, Valeriya Qudim və Anastasiya Voznyak ilə birgə final yarışlarında 34.282 xal topladı və 7-ci yeri tutaraq mübarizəni dayandırdı.