Yusif Sadıqov

Yusif Sadıqov (tam adı: Yusif Allahverdi oğlu Sadıqov) — 20 Yanvar şəhidi.^[1]

Yusif Sadıqov
Yusif Allahverdi oğlu Sadıqov
Doğum tarixi	19 yanvar 1964
Doğum yeri	Cil, Göyçə mahalı, Ermənistan SSR, SSRİ
Vəfat tarixi	19 yanvar 1990 (26 yaşında)
Vəfat yeri	Bakı, Azərbaycan SSR, SSRİ
Vəfat səbəbi	Sovet Ordusunun təcavüzü
Dəfn yeri	Şəhidlər Xiyabanı, Azərbaycan SSR, SSRİ
Vətəndaşlığı	SSRİ
Həyat yoldaşı	nişanlı
Atası	Allahverdi
Anası	Kəhriz
Milliyyəti	azərbaycanlı

Həyatı[redaktə | mənbəni redaktə et]

Yusif Allahverdi oğlu Sadıqov 1964-cü ildə Ermənistan SSR-nin Krasnoselo rayonunun Cil kəndində anadan olub. 1981-ci ildə Cil kənd orta məktəbini qızıl medalla bitirib Azərbaycan Dövlət Universitetinin mexanika-riyaziyyat fakültəsinə qəbul olub. Universiteti fərqlənmə diplomu ilə bitirdikdən sonra aspiranturada oxuyurdu. Təzə nişanlanmışdı, tezliklə toyu olacaqdı ailənin sonbeşiyi Yusif Sadıqovun^[2].

• Fizika-riyaziyyat elmləri doktoru, professor Misrəddin Sadıqovun kiçik qardaşıdır.
• Azərbaycan alimi, filologiya elmləri doktoru, professor, AMEA-nın Nəsimi adına Dilçilik İnstitutunda "Terminologiya" şöbəsinin müdiri və AMEA Rəyasət Heyəti yanında Terminologiya Komissiyasının sədr müavini Sayalı Sadıqovanın kiçik qardaşıdır.

Bir qolu dəfn olunub[redaktə | mənbəni redaktə et]

O müdhiş gecədən bir gün əvvəl Yusif bacısı Sayalı xanımla söhbətində deyib ki, azadlıq uğrunda həlak olanlar ölmür, şəhid olurlar, azadlıq isə qurbansız olmur. Bəli, azadlıq yolunda, suverenlik yolunda həlak oldu Yusif. Özü də 26 yaşı tamam olduğu gün. Atası Sadıqov Allahverdi yanvarın 20-də Yusifin papağını Salyan kazarmasının yanından tapıb. O gündən ilim-ilim itib Yusif. Fevralın 4-də onun atası yenidən Semaşko adına xəstəxanaya gedir. Ölüxanada bir sağ qoldan çıxan paltarları ona göstərirlər. Atası oğlunun paltarlarını tanıyır. Kəsik qolundan çıxan paltarlar bunlardır: palto, pencək, köynək, jilet, alt köynək. Buna görə də valideynləri belə hesab edir ki, Yusif həlak olub. Bədən isə yoxdur. Onun sağ qolu Şəhidlər xiyabanında basdırılıb.

Həmçinin bax[redaktə | mənbəni redaktə et]

• "20 Yanvar Şəhidi" fəxri adı alanların siyahısı
• Azərbaycan Respublikasının Azadlıq uğrunda mübarizlərinin siyahısı
• Şəhidlər Xiyabanında dəfn olunanlar

Mənbə[redaktə | mənbəni redaktə et]

• Tahir İbrahimov, «Tarixləşən xatirələr», yeni nəşr. (Gülzar İbrahimova ilə birlikdə). Bakı, “Elm və təhsil”, 2012.
• Qulu Kəngərli, Qara Yanvar şəhidləri. [Məlumat kitabı]. B; Gənclik, 1992.
• Qara Yanvar şəhidləri Arxivləşdirilib 2012-10-15 at the Wayback Machine

İstinadlar[redaktə | mənbəni redaktə et]