|| АЖИЗ туьрк, прил. 1) мал-девлет авачир, кесиб. Дере хара алукӀда вал, Эмин ажуз туш, севдуьгуьм. Е. Э. Вун хвашгелди, сафагелди. Гъиле я мал, мулк авачиз ажуз къа Гьатна, азиятрал, гъиливди кьил хуьз. А. Ф. КьатӀ-кьатӀ авур зунжурар. Лезги кьегьал Шарвили Ажуз касдин дирек я. 3. Р., Б. С. Шарвили. Керекуьре Пуркурович шехьзава. - Квез завай вуч кӀанзава? Зун язух, кесиб, фагъир, ажуз са кас я. Залай гъил къачу ! Ф. Б. Филиал. 2) викӀегьвал, къуват авачир. Крар - ажуз, гафар - зурба, Шейх лугьуз, галчукна аба. С. С. Къара пулуниз. Амал - бетер, гафар - ажиз, Яб гумир на адан мециз. С. С. Къара пулуниз... "Къуй игит тир бубадихъ Тахьурай хва ажуз тир!" - Мисал хьана Батыраян цӀарцӀикай. А. С. Хцихъ галаз ихтилат. Белки, я жед зун викӀегьни, ажузни, Амма хьанач гъейратсузвал зи чанда. Б. С. Дуьньядал зун... Синонимар: кичӀе, зайиф. Антонимар: викӀегь, зирек, уьткем, зиринг, йигин.
* ажуз (ажиз) авун гл., ни вуж-вуч къуват авачир гьалдиз гъун. Абуру хозяинар авуна ажуз, Ачух тӀалабнар гваз экъечӀиз чиниз. А. Ф. КьатӀ-кьатӀ авур зунжурар.
* ажуз (ажиз) хьун гл., вуж 1) викӀегьвал, къуват авачир гьалдиз атун. Гьелбет, жеда са пад ажиз, Вичиз гьакӀ къуват авачиз. С. С. Чпи чӀурна чпин ара. Вуч чарайин, и Дуьньяда Магърум кас ажуз хьана хьи... М. А. Вуч чарайин? Кесиб инсан виниз жезва, Девлетлуди агъуз жезва. И арада хабарсузбур Дуьньядикай ажуз жезва. Ашукь Абдул. Кесиб инсан. Эхир кьиляй хьана ажуз. Лугьузва за - вуч хьана заз. С. Ялтахан эхир. Ажуз жеда инсан ватан авачтӀа, КӀантӀа вич лукӀ, кӀандатӀа вич пачагъ хъуй. М. Б. Квез я. 2) куьн гъиляй гьамиша квел ятӀани алахъун. ... адан юлдашди,... Гьажикъайиб халу трактордин гъиляй ажуз хьанвайди я лугьуз, заз шел-хвал авуна. К. М. Ахьайин за квез... Заз килиг, чан хва! Эгер тарсар кӀел тийиз, вун адан гъиляй ажуз хьайитӀа, ахпа закай хъел къвемир! А. Сайд. Туртур.