сущ.; -или, -иле; -илер, -илери, -илера ажуз гьал. Сулейманан мецин дяве Ажузвал кьурд туш хиве. С. С. ТӀуб сара кьаз. - Бес я, чан диде, душманриз чи ажузвал такурай, - минетна Дуьрниседи. Гь. Къ. Четин бахт. Са чӀавузни лезгийриз Ажузвал чир хьайид туш. Мегь. А. Са чӀавузни. Ажузвал усалвал я. Ажузвили хаинвилел гъида. А. Къ. Жуьгьенар. Ни ятӀани гьахълувилин сесиналди кӀелзава Тахсирар зи, ажузвилер, хийирлу крар. А. Къ. ТӀурфандин йиф. Ваз ажузвал кутугнавай хесет туш, - Къванцин хцин халкь я лагьай тӀвар ала. М. Б. РикӀин интервью. Синоним: зайифвал, бушвал, кичӀевал. Антоним: викӀегьвал.
* ажузвал авун гл., ни кичӀеди, зайифди яз къалурун, гьа и лишанрин гьерекатар авун. Гьич санални авунач на ажузвал. X. Т. Дагъдин кард. Гьич са чӀавузни ажузвал тийидай Надежда Михайловна тек са и кӀул экъисай кьери рацӀамрин кӀаник квай чухурдай рагъул вилер килигзавай касдин вилик, дергесди ягъай векь хьиз, такьатсуз жедай. А. А. Умуд. «Мад ажузвал хъийидач», «Лап кьейитӀани Кьулухъ чӀугвадач» лагьана. Б. Гь. Заз эвера. Шарвили кичӀевал вуч затӀ ятӀа чин тийир дирибаш аскер, женгина гьикьван четинвилерал расалмиш хьайитӀани душмандин вилик руьгъдин ажузвал тавуна кӀеверай экъечӀиз алакьнавай кас я. Б. С. "Шарвили" гьикӀ арадиз атана ? || ЛГ, 2000, 8. VӀ.