сущ.; -ди, -да; -яр, -йри, -йра. 1) хайивилин ва я руьгьдин мукьвавал авайди. Халкьди чпин аманевияр, панагьар шаддиз къаршиламишзава. Гь. Къ. Четин бахт. Дашан оманеви ятӀа? М. Б. Спелар. 2) тереф хуьдайди. Абурун вилерикай Бакудин фялейрин арха, дагъвийрин аманеви, муграгъвийрин хванахва, Шура гъукуматдин дестек хьайи большевикдин къамат карагна. Гь. Къ. Четин бахт. 3) мукьва-кьили, са нихъ ятӀани рикӀ кудай инсан. Ам вичиз мукьва аманеви авачиз ялгъуздиз амукьун уьмуьрдин гьаларивай хьанай. Я. Я. Агалай сандух. Къамкъамакай пуд хизандин кьил, гишиндаз фу... кьецӀилдаз партал гудай аманеви хьанва. Гь. Къ. Четин бахт. Синоним: терефдар.