гл., -уда, -ана; -уз, -узва; -утӀ, -ун, -рай, -утӀ; ахтӀун, ахтӀумир, атӀун тавун, атӀун хъийимир 1) са вуч ятӀани нихъай квехьай алатдалди галудун. ЧукӀулдихъ агалтнавай чичӀекдин ни галудун патал адалди са шумуд сеферда ицӀи газар атӀана кӀанда. ЛГ, 2000, 20. ӀV. Къуй негриди кьуьл авурай Джаздин ванци атӀурвал чӀар... А. Ал. Эфирда 2) хци мурз, кӀвенкӀ алай алатдалди къванцел, цлал нехишар ягъун. И кардин гьакъиндай бубайрин куьгъне сурари, абурун кьилихъ къянавай чпел тарихдин чинар тупӀалай ийиз жедай кхьинар атӀанвай къванерини шагъидвал ийизва. Ж. Гь. Лекьерин гьуьндуьрда. 3) тек-туьк туькӀуьрун. Саяд, чан руш, са чӀал атӀутӀ бубадиз. И. Гь. Саяд. ЦӀуру, Худат ва маса хуьрерин агьалийри къанал атӀуз рикӀивай куьмек авунай. М. М. Лезги тӀвар алатӀа. 4) фена акьалтӀарун. Чеб къунши Азербайжандивай чара ийизвай 15-20 километрдин чкадал гила гьа Азербайжандиз акъатун патал са шумуд виш километрдин мензилар атӀун герек кьвезвай республикадин магьалар, сергьятдин патарив гвай хуьрерин агьалийрал мадни гзаф четинвилер гьалтзава лугьуз тестикьаруналдини макъаладин автор гьахъ я. Министрди баянар гузва. || ЛГ, 2000, 10. VӀӀӀ. Кьакьан дагълар, дереяр Юкъуз-йифиз атӀана, Парар алай девеяр Гвай мугьманар атана. Ж. Кьукьма дагъда. 5) чилин винел жедай емишар кӀватӀ хъувун. # ичер ~, жумар ~, келемар ~, помидорар ~; 7 ) амачир гьалдиз гъун. # яд ~, сес ~, рахунар, цӀаяр ~, умуд ~, пенсия ~.
* атӀай гаф \[жаваб \] сущ.; вуч эхиримжи жаваб, гаф. Абур заз чидай ихтилатар туш, лагъана Бес халади атӀай гафуналди. Къ. Къ. ЧӀурун паб. Сада садвай нубатдал Кефер-гьалар жузуна, «Авазва са бубатда», - АтӀай жаваб къачуна. Ж. Кьукьма дагъда.
* атӀай-атӀай гафаралди \[келимайралди \] нар. тек-тек гафаралди ва кӀеви сесиналди. Абдула зи гъилевай микрофон акъудна ва кӀеви сесиналди, атӀай-атӀай келимайралди лагъана... М. Гьуьсейнов. Дагьустандин музыкантар гьеле хъуьрезма || ЛГ, 1999, 17. VӀ.
* атӀай чара сущ.; вуч эхиримжи мумкинвал. - Вуна ам механик я лугьузвани? - мадни хабар кьун хъувуна Мерзията дерин хиялрикай уях хьайила, чун механикар кӀанз атӀай чарадик квайди тушни! Гь. М. Чи бахт чи гъиле ава.
* атӀуз-атӀуз нар. ара гуз-гуз. КицӀи вичин тӀиш цавуз хкажна, ахпа атӀуз-атӀуз гъарайна... Лезги халкьдин махар.
* аман~, вил ~, вилик пад ~, кар ~, кьарай ~, кьулухъай дабан ~, нек ~, пагь ~, рикӀ ~, сес~.