гл.; -йда, -йна; -йиз, -йзава; -я, -йин, -йрай, -ймир; ахъай тавун, ахъай тахвун, ахъай хъийимир 1) ни вуч кӀевнавай, агалнавай затӀ ачухун. Тухудайдаз жафа шахьуй лугьуз сивни ахъаз туна. Е. Э. Дуст Ягьиядиз. Антоним: агалун. 2) ни вуж-вуч кьунавайди азад хъувун. Абуру зун кьве гъилив кьуна ахъай хъийидач... А. Р. Кьве чин. Къушариз хъсанвилер ая, - лугьузва чаз муаллимри. Эгер исятда ахъаяйтӀа, гишила рекьида, за ам гатфариз чими хьайила ахъайда. А. Сайд. Насиран туртур. Антоним: кьун. 3) ни вуч гафаралди са куьн ятӀани мана гун, ихтилат авун. Ви стхаяр хьайитӀа риза, Са гьикая ахьайин за. Е. Э. Наиб Гьасаназ. Дуст, за ваз са кар ахьайин: Гьич масадаз жемир хаин... С. С. Хъсан туш. Сулеймана ахъайна ваз рикӀин гьарай, гьа икӀ гъараз. С. С. Заз я женнет багъ, Марият. «Ирид цавар, ирид чилер...» - Лугьуз диде рахадай. Ахъайдай заз яргъи махар, Гьакъикъатда таквадай. Т. А. Махар туш. 4) кардик кутун. Чахъ авай дарвилериз, четинвилериз килиг тавуна, цӀийи кьве школа ахъайна кардик кутунва. ЛГ, 1999, 1. ӀV. 5) арадиз атун. вуч Бейдуллагьди гьуьндуьшкадиз кутур цицӀибар ахъайнач. С. Муслимов. ЦицӀигъ-наме. Ахъа хъувуна Векьерни цуьквер, гьакӀ килигналди Тух жечир вилер. А. Ф.... са арадилай, къуьртӀуь хьана какайрал ацукьай гьуьндуьшкади Шангъараз къветрен шарагриз ухшар авай цӀикъвед шараг ахъайна. А. Сайд. Гьуьндуьшкадин шараг. 6) ни низ ятӀани гун патал ракъурун, тайинарун. - Чаз ахъайзавай кьван простынар, хъуьцуьганрин чинар, дасмалар, одеялар вичин кӀвализ тухуз, чакай ягьанатарни хъийизва. Ш. Исаев. Завхоз.