прил. 1) вичин къене пад тамамвилелди куь ятӀани кьунвай. АцӀай вир цларивай кьаз хъижедач лугьудайвал, завай кхьин тавуна акъвазиз хъхьанач. А. Эсетов. Тек са йис || ЛГ, 2000, 10. VӀӀӀ. 2) адетдилай артух куьквал авай (инсандикай рахадайла). Юкьван буйдин туькме, ацӀай и къариба кас инанмиш камар къачуз вичин вилик акатна... физвай кицӀи къекъуьрзавай. Къ. М. Дагъларин къанунар. Ахваравай гуьзел дагъви Дишегьли хьиз аквазвай, АцӀай хурар, назик чин, Кьилелни таж алазвай. А. С. «Ксанвай гуьзел». 3) къалинвал авай (сес). Атабекова залда ацукьнавай алим рушарилай башламишна виридан гъилер кьуна, ацӀай ванцелди виридаз вичин тӀвар лагьана. Къ. М. Хайи чилин таватар.
* ацӀай варз сущ.; элкъвей формада авай варз. АцӀай варз хьиз экъечӀда бахт Саядринни Афисатрин... X. X.
* ацӀай гъилелди нар. 1) пишкешар гваз. Са кьве йикъалай, иншаллагъ, ам вичин ацӀай гъилелди къведа. Къ. М. Дагъларин деринрин булахар. 2) агалкьунралди. АрхитӀрин къванцицӀивин хкудзавай рудникдин рабочияр... шахтеррин сувар ацӀай гъилелди къаршиламишунин гьакъиндай фикир-фагьум авунин къайгъудик квай. Къ. М. Дагъларин деринрин булахар.
* ацӀай гатӀал алайдан мез яргъи жеда мисал хъсан дуланажагъ авайдаз рахазни ашкъи жеда.
* ацӀай гатӀал гишин кьиф сущ. девлетлу, амма гзаф къаних кас.