нар. 1) ахъа тир гьалда. Гьакъикъат чуьнуьх тавуна, рикӀе авай фикир тирвал. Нагагь хвейтӀа сад-садалай артухдиз, Чай, шекер гуз, гьам зар-зиба алукӀиз, Рахач абур сад-садавди ачухдиз... Е. Э. Кьве паб. Уьлкве тирвал физва дяве сурарихъ галаз, Гуьмбетрихъни, шикилрихъни тӀварарихъ галаз. Физва дяве жаваб хгуз тежердахъ галаз, Писвал ийиз писвилиз гъил текъвердахъ галаз. ( КичӀерхьанар! Кар ачухдиз ийиз тежербур! Чпихъ намус, я юкъуз, я йифиз тежербур1 ). А. Къ. Шиирдин гуьмбет. 2) куьч. чуьнуьх тавуна. Вид багьна я. За лугьун ваз ачухдиз. И. Гь. Саяд. 3) гъавурда акьадайвал. Сес хкажна, ачухдиз лугьуз жеда хьи, туьхкӀуьриз тежезвай чӀурувилер, нагьакьанвилер Эвелни-эвел уьлкведин иесивал ийиз алакь тавунилай аслу я. И. Мурадов. Къайдасузвиликай къанун хьайила || ЛГ, 2000, 2. ӀӀӀ. Синонимар: ахъаз, ахъадаказ, ашкарадаказ. Антоним: кӀевиз.