|| ГАХКУН рах., гл., ни вуж-вуч; -куда, -кана; -куз, -кузава; -це, -кун, -курай, -кумир; вахкун тавун, вахкун хъийимир 1) са затӀ къачурда, ам нивай къачунатӀа, гьадав агакьар хъувун. Бубади, - "Анжах, сифте литни мержанар вахце, ахпа за куьн фурай ахкъудда ", - лагьана. Ф. Пуд руш. Вуна тухвайд Эминан мал я, Эй, инсафсуз, вид вуч гьал я? Вахкун тавуртӀа, вун къегьал я. Е. Э. Къедекни пер чуьнуьхайдаз. Халкьдив чпин малар вахкана кӀанда. А. Ф. КьатӀ-кьатӀ авур зунжурар. Расул Гьамзат, чуьнгуьр вахце Зав Сулейман бубадин. М. Б. Сулейманан чуьнгуьр. Чара акьалтӀай «чуьнуьхгумбатӀри» чекмеяр вахкайлани, чамра абур вахчунач... А. Къ. Гафунал кӀеви чам. Процентарни винел эцигна вахкуда лагьай пуларин кьадар югъкъандавай гзаф жезвай, амма арадал къвезвай затӀ авачир. Я. Къафаров. Кумукьна. Гахце, гахце ажкъдатӀа, зав на, яр, Зи муьгьуьббат, чӀехи Лезги муьгьуьббат. М. М. Зи чӀехи муьгьуьббат. 2) гайидалай алава яз мад гун. 3) экзамендал чирвилер къалурун. За иридакай вад экзамен вахкана. Р. - Ригада тирни? - жузуна Рамиза. - Эхь, вуна алверчивиле сифтегьан имтигьанар гзаф заландиз вахкай чкада! Т. А. Мехъер куьтягь тахьанмаз. 4) ни нив вуч са вуч ятӀани саниз физвайдав вугун. Бустанчиди афнияр, чичӀекар ва хъачхьуч атӀана Саядав вахкана. 3. Э. «Я пуд манат». 5) ни вуч нив са ни ятӀани рахкурай затӀ адан иесидив агакьар хъувун, агакьарун. - Ниси вахканани? - Эхь, - деринлу нефес къачуна. - За ам дакӀардал эцигнай. Секинат кӀвале авачир. 3. Э. Мехъер кьуьл туш. Почтальон Айдемир салам гана балкӀандилай эвичӀна, инал алай кьуд-вад касдив газетар вахкана... А. Ф. Лянет. 6) жагьай затӀ иесидив агакьар хъувун. «Яраб идан иеси вуж ятӀа? ГьикӀ чирда? Чир хьанайтӀа, хутахна вичин иесидив вахкудай... А. Сайд. Уьндуьшкадин шараг.