посл. 1) вуж ва я вуч ятӀани са нихъ-квехъ ятӀани умуми яз. Зун Эмин я, заз шикетар чидайд туш. Шикетчидихъ галаз рекье фидайд туш. Е. Э. ТӀварун стхадиз. Вич захъ галаз даим, эбед Дуст я лагьана. Е. Э. Чуьхвер. Ширин чайдихъ галаз насу Чандиз я дава, самовар. С. С. Самовар. Са къариди авур чӀаргъин Кас галачиз тӀуьн хьана кьван. С. С. Мегьамед эфендиди Гъази-Мегьамед эфендидихъ галаз женгерани иштаракна. ЛГ, 1992, 24, ӀV. 2) акси яз. 1832 - йисуз Гъази-Мегьамед эфенди, Гимрида пачагьдин кьушунрихъ галаз дяве ийидайла, яна кьена. ЛГ, 1992, 24. ӀV. 3) тӀвар кьунвай кьадардилай артух яз.... а чӀавуз газетрин тираж; агьзурдахъ галаз тир. Г. Ханов. Абадлувални агьваллувал патал.
* галаз атайди сущ. свас бубадин кӀваляй чамран кӀвализ гъизвайди.
* галаз-галаз нар. 1) ара авачиз. Са йисуз Рзаханан тухумдай галаз-галаз кьуд-вад кас рагьметдиз фида. С. М. ЦицӀигъ-наме. 2) сад-садан гуьгъуьналлаз.