туьрк, сущ.; -ди, -да; ар, -ри, -ра алукьзавай вахт, девир. Фикирдаваз вири чилин гележег, Къукърум я ам рикӀий фейи дидедин. Ш. Къ. Дидедин дерт. Эй, лезгияр, вири сад хьухь, Чи гележег хуьн патал. М. М. Накь динж тунач хиялри зун. Хуьруьн гележег патал чалишмиш хьанвай регьберриз кабинетра кьарай къвезмач. Гь. Къ. Четин бахт. Алатай вахт вилик ква - зун гуьзетиз, Гележегди хъверзава зал кьулухъай. А. Къ. Зулун пешер. Инсаниятдин гележекдикай фикирзаватӀбуру тӀебиатдин квахьнавай тамар, никӀер, чӀурар, вацӀар, кӀамар чкадал хкун патал еке зегьметар чӀугвазва. ЛГ, 1996, 7. VӀ.
* гележег авай прил. алакьунар хас тир, вич машгьурдай. Ам гележег авай аял я. Р.