* гьавалат (алават) хьун гл., вуж нел-квел 1) са кар кьилиз акъудиз гьерекатар авун. Са патахъай кьведай Колчак, Винел гьавалат хьана хьи. С. С. Гьуьруьят. Мусадин итимар мад гьавалат хьана. Гьар жуьредалди Жафер рекьяй акъудна, ник гуз туна. А. Ф. Бубадин веси. ВикӀегь я жувандаз эгъуьндайла фур, ИкӀ асул ксарал алават я чун. С. К. Къадир. Гьикьван вал вахъ галаз са месик ксуз кӀан хьайи кас гьавалат хьанай? М. С. Буьркьуьди. Чун жуван фикирар лугьуз гьавалат жеда. Гь. Р. Яратмишунрин рекье. 2) инжиклу авун. - Куьн зал вучиз гьавалат хьанва? Зун секиндиз тур. 3. Гь. Уьмуьрдин сирнав. Синоним: алахъун.