гл -да, -на; -из, -зава; -а, -ин, -рай, -мир; диндирмиш тавун, диндирмиш тахвун, диндирмиш хъийимир 1) са вуч ятӀани хабар кьун, рахуриз алахъун. Гьуьруь вичин свас диндирмишиз гзаф алахъна... Я. Я. Агалай сандух. Залан я вун диндирмишун Халис лезгидиз, Багъишламиш, ухшар я вун Халис ченгидиз. Ш. Къ. Ни лугьуда ваз лезги руш. - Ам гьинихъ килигзавай? - диндирмишна бубади. С. Муслимов. ЦицӀигъ-наме. Медсестрайрини санитаркайри пенжеррай фургъунда авай пар вуч ятӀа чириз кӀанз, сада- сад диндирмишзавай. А. Эсетов. Мегьарамдхуьр - зи рикӀин сир.. Антоним: саймиш тавун. 2) жузун(ар)- качузун(ар) авун. Абуру адаз хала, эме лугьудачир, къари лугьуз диндирмишдай. Н. М. Жандар Магьамай.