туьрк, сущ.; -ди, -да; -яр, -йри, -йра 1) сад-садан къвалав хьана яргъивал арадиз гъидай къайда Лап яргъай элкъвена акъвазнавай дагъларин жерге, абурун арадай такабурдаказ хкаж хьанвай. А. Ф. Лянет. Къванерин хараяр сад-садан патав жергеяр жезвай. 3. Э. Уртах цаз тадани. 2) гзафбур авай кӀватӀал. Тамар ва халичаяр храдай устадрин жергедай яз Абдуселимова Рекъият, Абасова Мислимат... къалуриз жеда. С. Муслимов. ЦицӀигъ-наме.... къаридин Гъуьлни яру партизанрин жергейра авайла кьегьалвилелди кьенай. Я. Я. Агалай сандух. Гьавиляй ам дишегьлийрин жергедай батрачкомдизни хкянай. Гь. Къ. Ирид къаш. Синонимар: десте, кӀватӀал, кӀеретӀ, луж, къефле, тилит, рамаг. цӀиргъ. 3) ктаб, граммат. чӀалан ачух сесер сивяй акъуддай лишанрикай сад.. .. ачухбур, асул гьисабдалди, ихьтин къаншарвилери лишанламиш, пай ва чара ийизва: Жерге. И лишандиз килигна вири ачухбур кьве чкадал пай жезва: а ) вилик жергединбур: \[ а \]\[ и \]\[ уь \]\[ э \] '; б ) кьулухъ жергединбур: \[ а \], \[ у \]. Р. И. Гьайдаров. Лезги чӀалан фонетика.
* жерге-жерге нар. жергейра аваз. # ~ къекъуьн.