нар. 1) тӀвар кьунвай, ихтилат физвай чкадихъ, терефдихъ. За квез лишанлу вакъиа - уьлкведин Пенсийрин фонд тешкилайдалай инихъ 10 йис Тамам хьун рикӀин сидкьидай мубаракзава. Н. Меликов. Къарарар гзаф кьабулна || ЛГ, 2000, 21. XӀӀ. 2) тӀвар кьунвай, ихтилат физвай вахтунилай. Кхьинар ийиз башламишайдалай инихъ за жуваз акур, ван хьайи кьетӀен вакъиаяр, ихтилатар, гуьзчивилер кӀватӀзава ва абур жуван дафтарра къейдзава. А. Къ. Жуьгьенар.
* инихъ-анихъ нар. гьар патахъ. Суьруьдин кьил авайди инихъ-анихъ килигна... А. И. Самур. Хъуткъунна инихъ-анихъ килигай гададиз тепедилайгъуз чукур хъийизвай кьве кал акуна. Б. Гь. Заз эвера. Ахпа ада инихъ-анихъ килигна, давам хъувуна. А. Къ. Жуьгьенар. - Уьзден аз лагь, пака, хандин кӀвале кутугай межлис жезва. Инихъ-анихъ кьил баштан тавурай! - лагьана нуьквер Межида. С. Ярагъви ашукь Уьзден.