сущ.; -ди, -да; -ар, -ри, -ра 1) масадбуруз ван текъведайвал ийизвай чинебан гафар, ихтилат. Рушарин кушкушрин ванер атайла, Марваран рикӀ дар хьана. Къ. М. Дагъларин деринрин булахар.... Заз абурун кушкушрин ванер къвезвай. А. Исм. Вацран мичӀер. 2) фитне.
* кушкуш(ар) авун гл., ни масадбуруз ван текъведайвал ихтилат авун. Инсанар кӀватӀ хьанвай чкадал кушкуш авун хъсан туш. ЛГ, 1996, 21. VӀ. Энверал виликдай пехилвал ийизвай инсанар, пӀузаррин кӀаникай хъуьрез, кушкушар ийиз къекъвезвай. Я. Къафаров. Москвада ава. Вич акунмаз, сад-садаз килигиз, кимел алай итимри, пӀузаррикай хъуьрез, кушкушар ийизвайди кьатӀай ада, гъил цавуз хкажна, гъарайна... С. Муслимов. ЦицӀигъ-наме.
* кушкуш ягъун гл., ни наразивилин рахунар авун. КӀватӀ хьанвайбурун арада кушкуш ягъун гьатна... А. И. Самур. Эгер Султан зи талукь мирес тиртӀа, ада къарагъна халкьар алай чкадал судда герек авачиз кушкушар ядачир. Я. Къафаров. Автомат.
* кушкушдал(ди) рахун гл., вуж масадбуруз ван текъведайвал рахун, явашдиз рахун. Камални Надир, хьархьун таран кӀаник ацукьна, кушкушдал рахазвай. А. Сайд. Хайи гичин. Жуваз жув йифиз са нихъ ятӀани кушкушдалди рахай хьизни я. М. В. Вацран ягъун.