прил. 1) мекьи ийидай, мекьивал арадиз гъидай. Явашдаказ гьерекатзавай къайи гар галукьайла, кьелечӀ бижгъеррик квай Риза, хьраз вегьей Гьажибугъдадин твар хьиз, зурзадай, адак фул акатдай, чиниз вили ранг янавай ам сефилдиз гагь Саруханаз, гагъ чилиз килигдай. А. Ф. Риза. Къайи зулар, мекьи хъуьтӀер атана алатиа... А. Ф. Бубадин веси. Къайи марфни кьвазвай. 3. Гь. Лѐзгийрин риваят. Антоним: чими. 2) чими тушир. Ахпа ам къапар чуьхуьз ва къайи яд гъиз кӀуькуьн къачуна къузадик квай булахдал фена. 3. Э. Булахдал. Къайи ци фекьи вич вичел хкана. Гь. С. КӀири Буба. Белки, булахдал къайи яд хъвана жувал гьалтнавай и сугъулвал алатун патал зун иниз акъатнавайтӀа? Чидач, чидач. Я. Я. Нурар ва хъенар. Фермайрал агакьдалди гьамиша къайи яд авай къую гьалтзавай. С. Муслимов. ЦицӀигъ-наме. Пирмурадаз къайи гъекь акъатна. Я. Ш. Гьахъ квахьдач. 3) чӀуру, пис. Чандачан авай гъуьлуьнни папан арада ихьтин къайи рахунар? 3. Э. Муьгьуьббатдин цӀелхем. Гуя кьве юлдашдин арада жезвай къайи рахунрикай икрягь хьана, калер вилик акатай кьалзатӀ акъаж хъийиз, кӀунтӀун чиниз чкӀана. Б. Гь. Заз эвера Гафарай гафар къвез, абур къайи рахунал, къалмакъалдал аватзава. Къ. Къ. КӀири Буба.
* къайи рахунар сущ. сад-садалай нарази яз рахунар. Гафарай гафар къвез, абур къайи рахунал, къалмакъалдал аватзава. Къ. Къ. КӀири Буба.
* къайи авун гл., ни вуч чими гьалдай акъудун. Ада чай къайи авуна. Р. Синоним: къурун.
* къайи хьун гл., вуч 1) чими гьалдай акъатун, чими гьалда амукь тавун. - Жафер халу, бахдин суруз мягьежирарни къван туькӀуьра ман, гьаваярни къайи хьайила, сур туькӀуьриз четин жеда. 3. Гь. Уьмуьрдин сирнав. Дагъдин йифен гьавани галукьайла, беден, муркӀада турди хьиз, къайи хьанвай. 3. Гь. Лѐзгийрин риваят. 2) куьч. такӀанвилин гьисс акатун. Икьван чӀавалди ада тама са жуьредин аваз авайди гьисс ийизвай, гила адаз тамни са гьихьтин ятӀани дережада къайи хьанвай; ада тамун аваз ахвариз фенвайди ва вичихъ ам уяхардай къуват амачирди къатӀана. 3. Гь. Ахварай авудай аваз. Антоним: чими хьун.
* къайи дяве сущ. садалай сад нарази тир гьал, сада садаз ихтибар тийизвай гьал. Амма нехирбанрин арада къайи дяве давам жезва. Б. Гь. Заз эвера