туьрк, сущ.; -ди, -да; -ар, -ри, -ра са вуч ятӀани чуьнуьхдайбурукай хуьзвайди. Къаравулди ятахдал къванер гьалчна. КицӀер къарагъна. Арамшарамдин ванер гьатна. 3. Э. Кек галкӀизва. Эртуьш, хозайиндин картуфрин салал къаравул хьайи, Михайилан хва Петро я? Я. Ш. Гьахъ квахьдач. Чубанри ам суван яцарин къаравул тирди хабар гана. А. И. Самур. Тадиз къаравул къецихъ экъечӀ хъувуна. А. И. Самур. Къазимегъамеда маса къаравулар къведалди фу нез тади къачуна. А. И. Самур. Хуьруьнвияр вири кӀвалахрал экъечӀайла, ам колхоздин багъдиз фидай, къаравулдин чардахдик ацукьдай, къвезвайбурухъ галаз суьгьбетар ийиз югъ акъуддай. 3. Гь. Бубадин кӀвал. - Гадаяр кӀвалахдал атанвач ман? - лугьуда ада къаравулдиз. С. Муслимов. ЦицӀигъ-наме.
* къаравул \[къаравулвал\] чӀугун гл., ни нин-куьн ятӀани саламатвал хуьдай къуллугъ кьиле тухун. Милицади, дугъриданни, инсандин ислягьвал патал, гьар са касди вичин гьалал кеспи авун патал къаравул чӀугвазва. 3. Э. Кек галкгизва. Къаравулвал чӀугвадай нубат кесибдал атайла, йифни яргъиди жеда.. «Са- мур», 2002, No 5.
* къаравулда акъвазарун гл., ни вуж тайин къайда хуьн патал тайинарун. Аскерар йифиз агалай кӀвале туна. Хуьруьн чавуш абурал къаравулда акъвазарна. А. И. Самур.
* къаравулда акъвазун гл., вуж-вуч нин-куьн саламатвал, са гьихьтин ятӀани къайда хуьдай къуллугъ кьиле тухун. Ятахгъдиз мукьва хьана, Желил къаравулда акъвазна, лутуяр фена, далдадик акатна. 3. Э. Кек галкӀизва. А дагъларни гужлу гараривай, къати тӀурфанривай, живерин маргъалривай хуьр хуьн патал къаравулда акъвазнавайбур хьиз аквазва. Я. Я. Нурар ва хъенар. Кьакьан синел къаравулда акъвазна И дереяр хуьзва дагъдин цӀегьери... А. С. КӀанда и чил.