[лаццу] прил. 1) живедин рангунин. Ингье, чан вах, и. хуьруьн универмагдай са вижевай лацу келегъа маса къачунва. А. Р., Я. Я. Хендедадин мехъер. АлукӀнавай гъилел лацу элжекар. Х. Х. Къуй лекьер къвез ацукьрай ви къуьнерал. Къвазва лацу жив, лацу я чилцав. А. Ал. Лацу верхи тар... Табагъ шаламар алай адан чӀехи кӀвачери, лацу ишлар яна чӀулав кьветпӀелар кирсеба алчудна кутӀуннавай къакъан яцӀу зангарини ам такӀан инсанрик зурзун кутазвай. Къ. Къ. КӀири Буба. 2) куьч. чӀулав тушир. УстӀардин аялар лацу якӀарин рикӀиз чимибур я. А. И. Самур. * цал хьиз лацу хьун. ☼ Лезги чӀала лацу гафунихъ авай манайрикай ва а гаф ишяемишуникай кил.: А. Гуьлмегьамедов. А. Г. Эминан са гафуникай || "Самур" журн., 2003, No 2.
* лацу-лацу прил. лап лацу, акъатай (акьалтӀай) лацу. Ацукьарна лацу-лацу иуькверал Эвел чешне тир пакадин бегьердин. И. Гь. Художникди янава гуьрчегдиз
* лацу авун гл., ни вуч 1) лацу рангадал вегьин. 2) куьч. чинебан сир дуьздал акъудун.
* лацу кишмиш сущ. лацу рангунин кишмиш. Лацу кишмишри ратарин кӀвалах хъсанарда. Хуьрекдин 2 тӀурунавай кишмишрал са истикан нек илична, 15 минутда ргада ва ам ксудалди вилик хъвада. ЛГ, 2003, 3. VӀӀ.
* лацу лекеяр сущ. илимда гьеле тийижир, малум тушир делилар. Гила, вири халкьар чпин тарихда хьайи лацу лекейрикай ачухдаказ рахазвайла, гилан аямда дебда авай и гафар рикӀел хкун дуьшуьшдин кар туш. М. М. Виш йисарин имтигъан.
* лацу нафт сущ. лампада кун патал михьи авунвай нафт.
* лацу пехилвал сущ. масадаз авай алакьун, хъсан хесет, затӀ жувахъни кӀан хьунин гьисс. Къе за "Дагьустандин правда" газетдин отделдин редактор, жувалай яшариз хейлин гъвечӀи зи ватанэгьли Айдунбегов Мирзедал Дагьустандин радиодин лезги передачайрин редакциядин режиссер Агъабалаев Ризабаладал, лап рикӀин сидкьидай. лацу пехилвал ийизва. ЛГ, 1997, 26. XӀӀ.
* лацу пехъ сущ. масадбуралай тафаватлуди. Закай чӀулавбурун арадиз аватай лацу пехъ хьана, вирида заз кӀуфар ягъиз башламишна. А. М. Киф атӀайди.
* лацу пӀини сущ. экуь рангунин, яр квай пӀини.
* лацу таб сущ. дуьзвал чуьнуьх тежедай гаф, чӀал, фад дуьздал акъатдай, чӀалахъ тежедай ихтилат. [Рукъужат]. - Види лап лацу таб я. Им чна хуьруьн Советдай къачур чар. Советда авай ктабра ви рушан 15 йисни зур къалурзава. Гь. Гь. Адетдин къармахра.
* лацу фу сущ. михьи гъуьруьн фу.
* лацу хьун гл., вуж-вуч 1) лацу рангунин гьалдиз атун. Жив ацукьайбур хьиз михьиз лацу хьанвай къалин рцӀамрин кӀаникай аквазвай кьве гъвечӀи булах хьтин михьи вилер исятда чилел эвичӀай ксарал атана. Б. Гь. Заз эвера. - Гьан, - лагьана рцӀамарни кваз лацу хьанвай итимди... М. Гь. Гезентидин эхир. За вучда бес? Мег зи чӀулав гьикӀ амукьда, лацу тежез? М. Ж. 2) куьч. пис хьайидалай кьулухъ чин, беден лацу рангунин гьалдиз атун. * лацу шиир лит., сущ. рифма авачир шиир. Рифма авачир шиирарни жеда, абуруз лацу шиирар лугьуда. Сад кьейила, дишегьлийри лугьуда и шехьунин манияр гьа ибурукай я. Н. А. Литературадин хрестоматия., 1966. Эсер лацу шиирдин къайдада, рифма авачир, амма къуватлу ритмади хуьзвай куьруь ва яргъи цӀарар ишлемишиз... теснифнава. Гь. Къ. Мерд Алидин мани.
* лацу якӀарин прим. лацу хам алай (инсан). Лацу якӀарин гадаярни рушар гатуз фад чӀулав жеда. Р.