араб, ктаб., сущ.; -ди, -да; -ар, -ри, -ра гьакъикъатда кьиле физвай крар са гьихьтин ятӀани сир тир къуватринди, кьисметдинди тирдахъ инанмишвал. Эминан девир авамвили, диндин мавгьуматри, са патахъай ханарин, беглерин, муькуь патахъайни пачагьдин" гьакимрин, чиновникрин зулумди, гужари халкь тӀушунзавай, эзмишзавай девир тир. М. М. Гь. Шииррин кӀватӀал туькӀуьрайдан патай (1941 ). И властди [советрин властди. - А. Г.] килисаяр, мискӀанар, синагогар государстводикай чара авунва. Ада вири миллетрин кьисметар мавгьуматрин къанлу къармахрай ахкъуднава, Къ. М. Рекьин риваятар. Кьуд пердедикай ибарат и тамашадихъ [Гь. Гьажибегован «Адетдин къармахра» пьесадихъ. - А. Г.] дишегьлияр адетрин къармахрикай, девирдин мавгьуматдикай азад авунин карда еке метлеб авай, пьеса тамашачийри еке гьевесдалди кьабулайдакой гьатта «Литературный энциклопедиядани» ( М., 1932, 150 - чин ) кхъенай. Гь. Гашаров. Хайи халкьдин рекье чан гайиди.