араб, прил. фикир желбдай, вичикай икрагь тежедай. Кьама ялар, кьиле гар авай са жегьил кеспидал машгъул Агъамет халудин патав атана. М. Ш. Тахсир вили я. Гьакъикъатда лагьайтӀа, Абасаз вичи гъвечӀи хциз вучиз сиягь лугьузвайди ятӀа, гьамни хъсандиз чизвачир. Ам машгъул кеспи къужадиз аквазвач хьи - гьам сиягь я. А. Къ. Нехирбанни лекь.
* машгъул авун гл., вуж ни-куь нел-квел фикир желб авун; са кардал алахъарун. Им яшайишдин къадир гьеле чин тийидай, бегьем кьанажагъдиз агакь тавунвай аялдив кьенфепг вахкана машгъулар хьийидай хьтин. кар тир. Гь. М. Им къван, имни терез.
* машгъул хьун гл., вуж; квел са квел ятӀани ашкъи аваз алахъун. Вич гьадал ва вичин къваларив гвайбурал машгъул хьанвайди хьиз къалуриз, ада жегьилрин ихтилатриз кисна хьиз яб гузвай. А. Ф. Газет. «Вун итим я, буюр, вун жуван итимдин крарал машгъул хьухь, зи крарик кьаришмиш жемир!» - лугьуз гьарайда Минади адаз. З. Э. Зун гъавурда акьазвач. Велиметаз цуру хват незвай. Селминаз акьван бегенмиш жезва хьи, ам адаз тамашунал кӀевелай машгъул хьанва. В. М. Гьарасатдин майдандал. - За ваз гьикӀ лагьанай, гьар пакамахъ физзарядка ая, жендек лигимара, спортдал машгъул хъухь. ЛГ, 1998, 28. VӀӀӀ.... хуьруьн жемят магьсулар, салан майваяр цунилай, малар, лапагар хуьнилай гъейри, яшайишда герек къвезвай са къадар маса кӀвалахрални машгъул тир. С.М. ЦицӀигъ-наме. Хуьруьнеийрин кар-кеспи виринра хьиз никӀерихъ галаз машгъул хьун, хипер ва малар хуьн я. Р. Гьасанан, И. Мегьралиев. Яргъара авай жуванбур || «Самур» газ., 2002, 25.1