сущ.; - или, -иле; -шер, -илери, -илера мерд гьал. гъилин ачухвал. Абурун [Ленинан, Сталинан. - А. Г.] рикӀерин чӀехивал ва михьивал, акьулдин гегьеншвал ва деринвал, къилихрин гуьзглвал ва мердвал, мецерин фасагьатвал ва зиреквал, зегьметчийриз абурун мукьвавал ва азизвал, вири халкьдин патай абуруз авай муьгьуьббатдин вири деринвал къалурун патал шаирди вичин три гьунар.., жавагьирар хьтин гафар жагъуриз хьана. М. М. Гь. ЧӀехи шаир. Чи махара квекай суьгъбет физ хьайитӀани, адет яз, гьахъ гьахъсузвилел, мердвал намердвилел, акьул ахмакьвилел гъалиб жезва. Гь. Гашаров. Сифте гаф. Гьар са халкьдихъ кьетӀен адетар ава. Лезгийрихъни хьсан, къени адетар авачиз туш - зегъметдал рикӀ хьун, мердвал, гаф чинал лугьун, кьуьлун гзаф кӀан хьун, нефс тахьун ва масабур чаз хас къилихар я, "Самур" газ., 2002, 21 XӀ. Синонимар: жумартвал, захавал. Антонимар: минтӀикьвал, мутӀлакьвал, намердвал, темягькарвал.