сущ.; -а, -а; -ар, -ари, -ара 1) кьил гъидай, твар авай гатфарин магьсул. Ахьтин затӀ жеч и дуьньяда: Рипе мухни санал неда. С. С. Кьве кӀвачел къекъведай лам. - Кеф чаз, - лагьана ада, - куьне учетар тухузва, кесибри чпихъ амай-амачир белгемарни са тагъарда авай мухахъ, цуькӀуьхъ маса гузва. Абуру чпин кьил пака гьикӀ хуьда? З. Э. Муькъвел гелер. Са сеферда Ахцегьрин гьафте базардиз атана хъфидайла, Гьемзетаз Смугъулрин патав гвай мухан никӀе юкь агъузна, мукалдалди гвен гуьзвай Бедирнисе аквада кьван. Я. Къафаров. Юристдин дафтардай. 2) вичикай гъуьр, чӀахар ийидай гьа магьсулдин тварар. Акьулди гьакӀ кьатӀуналди, Чарасуз вуна тӀуьналди, Вун аш ийиз гатӀуналди Мухакай дуьгуь жедайд туш. С. С. Ахмакьвал пис четин тал я. Йис четинди, бегьер тахьайди хьуниз килигна, Кеферпатан Кавказдин крайкомди. Дагъустандиз цадай къуьл, мух, гъажикӀа ахъайна. Гь. Къ. Четин бахт.
* мухан фу сущ. 1) мухакай чрай фу. 2) кесибивилин лишан. Заз авайди мухан фу я, регъуь туш заз суфрадикай Жуван зегьмет ширин я, дуст, гьарам шербет аваз къекъуьнлай. З. Р, Къекъуьнлай.