сущ.; -или, -иле; -илер, -илери, -илера. рази тушир гьал, нарази гьал. И наразивал, шел-хвал, гъам, хажалат, дерт кьилди Эминанбур туш, гьа заманда вира халкьдинбур яз хьана. М. М. Гь. Шииррин кӀватӀал туькӀуьрайдан патай (1941 ). КӀвализ кӀуфук милаим хъуьруьн квай Марьям ва чина са гьихьтин ятӀани наразивал авай Зелфи гьахьна. А. А. Умуд. Къвезвай душман вердишарнавай, къайда авай кьушунар авайди я, - лагьана ада вичин наразивал малумарна. А. И. Къиргъин. Ада, белки, сифте сефер яз, вичин рикӀе кӀватӀ хьанвай кьван разивилерни наразивилер... халкьдиз ачухарна. Гь. Къ. Къурухчи. Синонимар: разисузвал, шел-хвал. Антоним: разивал.