сущ.; -ди, -да; -ар, -ри, -ра 1) еке карч алай гьайванрин десте, кӀватӀал. Рагъни экъечӀна, нехирарни фена, зи ЦӀелхем месяй юзанач. С. Ярагъви ашукь Уьзден. Нехирри, суьруьйри фадлай чуьллера архайиндиз векь незва. М. В. Гьарасатдин майдандал. Кьулухъ элкъвезвай кьушундин гуьгъуьнал сан-гъисаб авачир кьван мал-къарадин нехирар, хиперин суьруьяр, балкӀанрин рамагар алай. З. Р. Гьажи Давуд.
* калин нехир, гамишрин нехир 2) куьч. са низ, квез ятӀани тамамдиз муьтӀуьгъ хьанвай инсанар. КӀани рекьиз гьал ийидай гила чакай нехир хьанва. Е. Э. Алкьвадар Гьажи Абдуллагь эфенди кьейила. Синонимар: геллегь, суьруь.
* нехирдив фин гл., вуж карч алай гьайванар юкъуз чуьлда хуьдай пешекар хьун. Эхир ЦӀицӀалидиз чара хьанач, - ам пака къуз нехирдивни фенач, пулунин къайгъуда хьана. Ф. ЦицӀали. Нехирдив фейидалай гуьгъуьниз Чигалидин ахвар секинсуз хьана. Б. Гь. Заз эвера.