* перт авун гл., ни-куь вуж кефи(яр) хъсан тушир гьалдиз гъун. Алидар сагъ ва саламат яз ярдин дидардихъ агакьна. Ида Мегъамедрасул перт авуна. А. И. Самур. Ша мийир зун перт, перишан, Кумир на зи рикӀ А. Ал. Кумир на зи рикӀ. Синоним: пертун.
* перт хьун гл., вуж кефи(яр) хъсан тушир гьалдиз атун. Вири и гьалар аннамшизавай Жегьил михьиз перт хьанвай. З. Э. Мехъер кьуьл туш. Гьикьван гуьзетиз акъвазда. Кар кардай фейила, ахпа тади къачунихъ вуч метлеб амукьда? ~ перт хьана Сувара вичин фикир малумарна. А. И. Самур. Ахьая вуч ятӀа ви дерт, акъвазмир икӀ, хьана вун перт, Лагь ви кьилел вуч атанва, гьуьлуьн кьере авай суна?! А. Мир. Гъезелар.