сущ.; -или, -иле, -тер; -илери, -илера пислик кӀвалах авурла, виляй аватдай гьал. Чарадан папал писликвал гьар кьве итимдикай сада игитвал яз гьисабда. А. А. Пад хьайи. рагъ. Надиран жаллатӀрин аксина гьакӀ яхулрин феодалрин геллегьрикай, писликвилерикай хуьн патал инал-анал, гапӀал- гапӀал пай хьанвай магьлеяр сад хъхьана, ибуру са хуьр тешкилна. К. К. Риваятар. Мегер гъвечӀи хуьре чӀуру кар сир яз яргъалди амукьдани? Вири жемятдиз зи писликвиликай раиж хьана. А. М. Киф атӀайди. Синонимар: беябурчивал, намуссузвал.
* писликвал гъун гл., ни нел-квел дишегьли беябур жедай гьалдиз гъун. Адаз Девлетхана руш азад ийиз кӀан хьайила, адан кьилел са писликвал гъиз, ам пучиз кичӀезвай. А. И. Къиргъин. Салманаз хъел атана. Ада гьелегь кьуна. Серфе акатайла, Рамзиятал писликвал гъун кьетӀ авуна. З. Э. Рамзият.