СИМПАТИЧЕСКИЙ
симпатический (1. анат. физиол. симпатическая нервная система организмдин хуьрек цIурурунин, нефес къачунин, дамарра иви къекъуьнин кIвалах къайдада твадай нервийрин система. 2. симпатические способы лечения азарлудан рикI секинардай, ам вич сагъ хьунихь инандирмишдайвал дарманар гуз сагъарунин къайда. 3. тIазвай чкадин, мес. са сухан, эсердикди къвалав гвай маса чка тIазвай хьиз хьун ва я тIа хьун). ♦ симпатические чернила симпатический чернил (чарчел кхьейла гьакI чир тежер, ранг авачир, анжах чар цIал кьуна ифирайла ва я бязи химический затIаралди кьежирайла дуьздал акъатдай чернил).